პასუხი: თქენი სურვილი მისასალმებელია. ხოლო, თუ გსურთ, მეუღლეს უხერხულობა დააძლევინოთ, ისეთ დღეს დაიწერეთ ჯვარი, როდესაც ტაძარში ხალხმრავლობა არ იქნება. ეკლესიებში ყოველთვის არის მორიგე მოძღვარი, რომელიც აღასრულებს საიდუმლოს და ჯვარს დაგწერთ. ჯვრისწერის საიდუმლოს აღსრულება აუცილებელია, რომ თქვენი ოჯახური თანაცხოვრება უფლისგან დალოცვილი იყოს.

პასუხი: თქვენ უფალმა უდიდესი სიხარული მოგანიჭათ – დედა გახდებით. ყოველგვარი ყოყმანის გარეშე შეუდექით ეკლესიურ ცხოვრებას, მიდით ტაძარში, დაელაპარაკეთ მოძღვარს, ის დაგეხმარებათ, რომ ნაბიჯ-ნაბიჯ მიჰყვეთ ქრისტიანულ გზას და თუ უფლის სისხლსა და ხორცს ეზიარებით, თქვენს პატარასაც გადაეცემა მისი მადლი და ჯანმრთელი დაიბადება. ზოგადად, ეკლესია ორსულებს მარხვასაც უმსუბუქებს, შეიძლება მოძღვრის კურთხევით, ყოველ კვირასაც კი ეზიაროთ.

პასუხი: ნათლიის დანიშნულებაა ნათლულის სულიერ ცხოვრებაზე ზრუნვა. თუ თქვენი ნათლია ზრუნავდა თქვენს სულიერებაზე, უკვე უნდა იყოთ შემდგარი ჭეშმარიტების გზაზე, ხოლო ყოველ ადამიანს, ვისაც სურს, მიჰყვეს ქრისტეს, თავადაც შეუძლია, წმიდა მამათა სწავლებებითა და მოძღვრის დახმარებით ქრისტიანულად იცხოვროს. თქვენ კი ილოცეთ თქვენი ნათლიის სულის ცხონებისთვის.

პასუხი: მიცვალებულის გაპატიოსნება, მის სულსა და საფლავზე ზრუნვა ყველა ჭირისუფლის მოვალეობაა, მაგრამ გადაჭარბება მიუღებელია. გადამეტებული გლოვა მართლაც ამძიმებს გარდაცვლილის სულს, თქვენ შეგიძლიათ, ილოცოთ მისი სულისთვის, გადაუხადოთ პანაშვიდი, გასცეთ მოწყალება მისი სახელით, ოღონდ შეინარჩუნეთ სიმშვიდე და მიენდეთ უფალს.