№35 რისი გეშინიათ
ნინო კანდელაკი ელენე წულუკიძე
ძალიან საინტერესო ტესტია. ცოტათი უცნაური, მაგრამ ორიგინალური. აირჩიეთ ძაღლის რომელიმე კონკრეტული ჯიში და ჩვენ გამოვიცნობთ თქვენს შიშებს.1. პომერანული შპიცი;
2. ჩიხუახუა;
3. ჰასკი;
4. გერმანული ნაგაზი;
5. ინგლისური ბულდოგი.
ამოირჩიეთ თქვენთვის მოსაწონი ჯიში და ვნახოთ, რა ფარული შიშები გაქვთ ქვეცნობიერში.
1. გეშინიათ, არ დარჩეთ მარტო. მიგაჩნიათ, რომ სამყარო უცხოა და საშიში, ამიტომ აუცილებლად გჭირდებათ ვინმე, ვინც სულ თქვენთან იქნება, დაგიცავთ, დაგეხმარებათ და მხარს დაგიჭერთ.
2. თქვენ სიკვდილის გეშინიათ. ეს გაქვთ ქვეცნობიერში და გაწუხებთ, იმიტომ, რომ არ იცით იქ რა გელოდებათ. თქვენ ხომ ყველაფრის კონტროლი გიყვართ. ასევე, გეშინიათ, რომ ვეღარასდროს ნახავთ საყვარელ ადამიანებს.
3. სიმაღლის შიში გაქვთ. იმის ყურებისაც კი გეშინიათ, როგორ წმენდენ მაღალ შენობაზე ფანჯრებს. რომელიმე მაღალი შენობისა, თუ, უბრალოდ, ოდნავ მაღალი ადგილის კიდეში დგომისას ისეთ ძრწოლას განიცდით, რომ შეიძლება, გული ამოგივარდეთ. თავდაჯერებული მხოლოდ მიწაზე მყარად დგომისას ხართ. ძალიან მგრძნობიარედ უდგებით კრიტიკას და მუდმივად გეშინიათ იმის, თუ რას იფიქრებენ თქვენზე.
4. ჯერ კიდევ ბავშვობაში გაშინებდათ დღე-ღამის ბნელი დრო. ეს გასაგებიც არის – ფანტაზია ყოველთვის გეთამაშებათ. გჯერათ მისტიკის. ამის ახსნა არ შეგიძლიათ, მაგრამ შიშის დროს გაორმაგებულ ემოციებს განიცდით. ყველას არ შეუძლია პასუხისმგებლობის საკუთარ თავზე აღება და ასეთი კატეგორიის ადამიანებს მიეკუთვნებით თქვენ. ახალ საქმეს თუ გავალებენ, დიდხანს ყოყმანობთ და ხშირად თავს სათანადოდ ვერ აფასებთ.
5. გეშინიათ ბედნიერების, უფრო სწორად, ძნელად ეგუებით იმას, როცა ის მთავრდება. გეშინიათ, რომ ვერ დატოვოთ თქვენი კვალი ცხოვრებაში. სწორედ ამიტომ აღწევთ დასახულ მიზნებს ყველაფრის ფასად.