პასუხი: თქვენ შეგიძლიათ, მოჭრათ მშობლების საფლავზე არსებული ფიჭვი და შეშად გამოიყენოთ. ეკლესიის მხრიდან ამასთან დაკავშირებით არანაირი აკრძალვა არ არსებობს. ნუ აჰყვებით ცრურწმენებს.

პასუხი: მრისხანება მართებულია იმ შემთხვევაში, თუ ის ცოდვისკენ არის მიმართული, უპირისპირდება დანაშაულს და თქენში ბუნებრივი რეაქციაა. ასეთ დროს მრისხანებას არ უნდა ახლდეს სიძულვილი, ბოროტება. პირიქით, ის უნდა ემყარებოდეს სიყვარულს, მოყვასის მიმართ თანადგომას და უნდა ჰქონდეს ერთადერთი მიზანი – ცოდვილის ხსნა.

პასუხი: შრომისგან დასნებოვნება მეორე უკიდურესობაა, ქრისტიანი, რა თქმა უნდა, უნდა შრომობდეს და არ უნდა იყოს უსაქმურად. თუმცა ზომიერების დაცვა ყველაფერში საჭიროა. როდესაც ადამიანი მუდმივად შრომაშია, ღმერთიც აღარ ახსოვს და შორდება მას. დასვენებისთვის და ლოცვისთვის დრო ყოველთვის  უნდა გამონახოთ.

პასუხი: მოყვასისა და უფლის სიყვარულით განხორციელდება სხვა ყველა მცნება, ამიტომ ადამიანს უნდა უყვარდეს უფალი და მოყვასი და სხვა დანარჩენს თავად მიხვდება, როგორ მოიქცეს.

პასუხი: მოძღვართან სიახლოვე და მუდმივი ურთიერთობა ძალიან კარგია ქრისტიანისთვის, მაგრამ აქაც ზომიერების დაცვას გირჩევთ – ზოგიერთი ადამიანი ყველა წვრილმან საქმეზეც კი მოძღვარს მიმართავს, ამიტომ არის, რომ მოძღვრები ხშირად მოუცლელნი არიან და შესაძლოა, უფრო მნიშვნელოვანი საქმისთვის აღარ დარჩეთ დრო. როდესაც კეთილ საქმეს იწყებ, ნუ დაელოდები მოძღვრისგან კურთხევას, გააკეთე ეს სიკეთე და მოგვიანებით, ერთად უამბე მოძღვარს ყველაფრის შესახებ. ზოგიერთი ლოცვის წაკითხვის წინაც კურთხევას ელოდება. ილოცეთ, ჰქმენით სიკეთე, იყავით კარგი ქრისტიანები – ამას მუდმივად კურთხევა არ სჭირდება.

პასუხი: დღეს ხომ არანაირი დაბრკოლება არ არსებობს ნათლობასთან დაკავშირებით, რატომ უნდა დაელოდოთ რაღაც დროს და არ მონათლოთ ბავშვები ახლავე?! მონათლეთ პატარები და გაუკეთეთ ჯვრები, რომლებიც დაიცავენ მათ.