პასუხი: ჰიპერსალივაცია, ანუ მომატებული ნერწყვდენა დამახასიათებელია სტომატიტისთვის, კუჭ-ნაწლავის ტრაქტის ისეთი დაავადებებისთვის, როგორიცაა წყლულოვანი დაავადება, პანკრეატიტი, პარაზიტული ჭიებით ინვაზია. გაძლიერებულ ნერწყვდენას ზოგიერთი სახის ნერვული პათოლოგიაც იწვევს, მაგალითად, პარკინსონიზმი, ინსულტი და ზოგიერთი ფორმის შიზოფრენია, სამწვერა ნერვის დაზიანების. სალივაციას ადგილი აქვს ინტოქსიკაციების დროსაც. სხვათა შორის, მომატებული ნერწყვდენა ნიკოტინით ინტოქსიკაციასაც ახასიათებს. ამასთან, თითოეულ ამ პათოლოგიას სხვა დამატებითი ჩივილებიც ახლავს, ამიტომ მკურნალობა მხოლოდ მიზეზიდან გამომდინარე ინიშნება. მოწოდებული ინფორმაციიდან გამომდინარე, გირჩევთ, მიმართოთ თერაპევტს ან ნევროპათოლოგს.

პასუხი: შესაძლოა, ამ შემთხვევაში, ღამის წამოხურებები (ალები) მენოპაუზის დასაწყისის მანიშნებელია (ესტროგენების სიმცირე). ალები კლიმაქტერიული სინდრომის ადრეული ნიშანია, რაც მენოპაუზამდე რამდენიმე წლით ადრეც შეიძლება, დაიწყოს. თუმცა არის სხვა მიზეზებიც. გირჩევთ, დიაგნოსტიკის მიზნით, გინეკოლოგ-ენდოკრინოლოგს მიმართოთ.

პასუხი: ორსულობის ამ ვადაზე ერთჯერადად მიღებული კორსიზი არ უნდა აისახოს ემბრიონის განვითარებაზე, მაგრამ მომავალში ექიმის დანიშნულების გარეშე არცერთი მედიკამენტი არ მიიღოთ.

რუბრიკას უძღვება ოჯახის ექიმი