ზურაბ დარახველიძე: 35 წელია, ამ კლინიკაში ვმოღვაწეობ და ამ ხნის განმავლობაში ძალიან ბევრ პაციენტთან მაქვს ურთიერთობა, როგორც საექიმო, ისე ცხოვრებისეულ საკითხებთან დაკავშირებით. ბევრს ვსაუბრობთ და ვიცი მათი ფსიქოლოგია. ვფიქრობ, ექიმი კარგი ფსიქოლოგიც უნდა იყოს და შეძლოს პაციენტის ნდობის მოპოვება, რაც დადებითად აისახება შემდგომ მოვლენებზე. ასეთ დროს პაციენტს უქრება შიშისა და მოულოდნელობის ფაქტორი და ექიმიც უფრო თამამად გრძნობს თავს. საქმე გვაქვს განწყობის თეორიასთან – როდესაც პაციენტი განწყობილია, რომ  ყველაფერი კარგად იქნება, რადგან ჰყავს ექიმი, რომელიც მის გვერდში იდგება ნებისმიერი გასაჭირის დროს.

– ექიმობა ჩემი ღვაწლმოსილი მასწავლებლის – ბატონი პალიკო კინტრაიას ხელმძღვანელობით დავიწყე, რომელიც თითით საჩვენებელი ადამიანია არა მხოლოდ საქართველოში, არამედ, მთელ პოსტსაბჭოთა სივრცეში. მახსოვს მისი სიტყვები, რასაც ხშირად იმეორებდა – ექიმი უნდა იყოს პროფესიონალი და პატიოსანიო. თანდათანობით, როდესაც პროფესიას ეუფლები და ამა თუ იმ სიტუაციას წარმატებით გადალახავ, გრძნობ, რომ პაციენტებს შენი სჯერათ, მაშინ უკვე ამ პროფესიის ნაწილი ხარ და ეს განაპირობებს შენს შემდგომ სვლებსა და წარმატებებს. მედიცინა, ძირითადად, გუნდური საქმეა, რაც ჩვენს კლინიკაში წარმატებით ხორციელდება, დაწყებული დიაგნოსტიკური ცენტრიდან –  სტაციონარით დამთავრებული.  

– ჩემი 35-წლიანი საექიმო მოღვაწეობის განმავლობაში, დაახლოებით, 20 ათასი ახალშობილის მოვლინებაში მივიღე მონაწილეობა. ჩემი პროფესია ძალიან დიდ ენერგიასა და 24-საათიან მობილიზებას მოითხოვს არა მარტო ჩემგან, არამედ მთელი გუნდისგან. შემთხვევათა ნაწილი დიდ სირთულეებთან იყო დაკავშირებული, საბედნიეროდ, თითქმის ყველა მათგანი წარმატებით დასრულდა.  თუმცა, ამ წლების განმავლობაში იყო ისეთი მომენტები, რამაც გული დამწყვიტა და ჩემში უარყოფითი ემოციები გამოიწვია.

– პირველ რიგში, ეს კლინიკა საქართველოში ერთ-ერთი ყველაზე დიდი და უძლიერესი ტრადიციების მატარებელი გახლავთ, რომელიც დაკომპლექტებულია მაღალკვალიფიციური კადრებით. გამართულად მუშაობს საკონსულტაციო ცენტრი, ლაბორატორია და სტაციონარი, რაც თავის მხრივ, წარმატების გარანტია.

  საქართველოს თითქმის ყველა მოწინავე კლინიკა აქ გამოზრდილი კადრებითაა დაკომპლექტებული. ყველამ აქ აიდგა ფეხი, აქ გაიზარდნენ, ჩამოყალიბდნენ და მთელი ქვეყნის მასშტაბით დღეს ძალიან კარგ საქმეს ემსახურებიან. ის დიდი სკოლა, რომელიც თავის დროზე ბატონმა კოტე ჩაჩავამ შექმნა, ბატონმა პალიკომ ღირსეულად გააგრძელა. ამჟამად კი კლინიკის დირექტორი, ბატონი ელგუჯა გოცირიძე უქმნის თანამშრომლებს თანამედროვე მსოფლიო მედიცინის  მოთხოვნების შესაბამის ყველა პირობას  და ამიტომ, ექიმების მთავარი საზრუნავი მხოლოდ და მხოლოდ პაციენტების კეთილდღეობაა.

– ამ საქმეში ვერ იქნები წარმატებული, თუ პაციენტისთვის ბოლომდე არ დაიხარჯე და არ ჩადე გული, სული და პროფესიონალიზმი. ადამიანები მეანს, უპირველესად, ნდობის ფაქტორიდან გამომდინარე ირჩევენ. ისინი ერთმანეთს უზიარებენ საკუთარ შთაბეჭდილებებსა და გამოცდილებას და ამის შემდეგ იღებენ გადაწყვეტილებას, თუ ვის ანდონ ის უმნიშვნელოვანესი მოვლენა, რასაც მშობიარობა ჰქვია. აუცილებელია,  რომ ექიმსა და პაციენტს შორის მჭიდრო თანამშრომლობა და ურთიერთგაგება არსებობდეს. პაციენტი სრულად ინფორმირებული უნდა იყოს საკუთარი მდგომარეობის შესახებ და მის ყველა კითხვას ამომწურავი პასუხი გაეცეს. ეს ყველაფერი კი კეთილსაიმედო გამოსავლის  წინაპირობაა.

– დიახ, ქეთევან შანიძე ჩვენს კლინიკაში საკონსულტაციო-დიაგნოსტიკური ცენტრის მეან-გინეკოლოგია. ვფიქრობ, რომ მთელი ამ წლების განმავლობაში ჩემი მეუღლის თანადგომა და ხელშეწყობა მნიშვნელოვან როლს თამაშობს ჩვენს ერთობლივ წარმატებაში.