ლალი არველაძე (სასტუმრო GNS-ის მფლობელი): სასტუმრო 2015 წელს ავაშენეთ და მეოთხე წელია, ჩვენს დამსვენებლებს წარმატებით ვმასპინძლობთ. პროფესიით ბიოქიმიკოსი ვარ და მიუხედავად იმისა, რომ აქამდე მომსახურების სფეროსთან არანაირი კავშირი არ მქონდა, შევძელით, ერთ სივრცეში შეგვექმნა განტვირთვისა და დასვენებისთვის ყველა საჭირო პირობა, ახალ-ახალი დამატებითი, კომფორტული სერვისების შექმნაზე  კი დღესაც ვმუშაობთ.

– სიმწვანეში ჩაფლული, მყუდრო, ჩაკეტილი და დაცული ეზო გვაქვს, სადაც ბავშვებისთვის გასართობი კუთხეა მოწყობილი. დამსვენებლებს შეუძლიათ, ეზოში დასხდნენ, რესტორანში სასურველი კერძი შეუკვეთონ და ბავშვებიც თვალწინ ჰყავდეთ. მშობლებიც კომფორტულად გრძნობენ თავს და ბავშვებიც.

ყველა ოთახს აქვს საკუთარი აივანი, სადაც განთავსებულია მაგიდა და სკამები. შენობა მაქსიმალურად დაცულია. გვაქვს როგორც დახურული პარკინგი, რომელიც იკეტება, ისე ღია – ჩვენი სასტუმროს ტერიტორიაზე.

– დღის განმავლობაში ჩვენთან ფუნქციონირებს რესტორანი. გვაქვს მრავალფეროვანი მენიუ, ჯანსაღ პროდუქტებზე დამზადებული ქართული და ევროპული საკვები – დაწყებული ბავშვებისთვის საჭირო ფაფებით, დამთავრებული ჩვენი საფირმო კერძებით. სურვილის შემთხვევაში, ოთახში მომსახურების სერვისიც გვაქვს. დამსვენებლების კვებაზე  ჩვენი  გამოცდილი მზარეულები ზრუნავენ.

– ვერაფერს ვიტყვი სხვა სასტუმროებზე, თუმცა რაც შეეხება GNS-ს, ჩვენ გავითვალისწინეთ რა დასავლეთ საქართველოს მაღალი ტენიანობა, ვიზრუნეთ და სასტუმროში  დავამონტაჟეთ გერმანული სისტემები, რისი მეშვეობითაც გვაქვს მშრალი საწოლები, წყლის უწყვეტი ნაკადი, რომლის ტემპერატურაც არ არის დამოკიდებული ამინდზე, ამასთან, არანაირი ნესტი და არანაირი სუნი.

გარდა ამისა, შევეცადეთ, დამსვენებლებისთვის შეგვექმნა ოჯახური გარემო და სიმყუდროვე, ვფიქრობ, ასეთმა მიდგომამ გაამართლა, რადგან ერთი და იგივე დამსვენებლები უკვე რამდენიმე წელია გვსტუმრობენ.