კეფირისა და ჭარხლის დიეტა ძალიან ეფექტურია, რადგან წონაში დაკლების გარდა, ის წმენდს ნაწლავებს და გამოდევნის ტოქსინებს. გაითვალისწინეთ, რომ ორგანიზმის მსგავსი  დიეტით გაწმენდა და წონაში კლება საკმაოდ რადიკალური ზომაა. ამიტომ, თუ ღვიძლის, კუჭის ან თირკმელების მუშაობაში დარღვევები გაქვთ, არ გირჩევთ.

  ყოველდღიურად, შვიდი დღის განმავლობაში, უნდა მიიღოთ 1 კილოგრამი მოხარშული ჭარხალი, 1,5 ლიტრი უცხიმო კეფირი და  დაახლოებით, 2 ლიტრი წყალი – ეს არის პროდუქტების დღიური ნორმა. დიდი ოდენობით წყალი საჭიროა იმისთვის, რომ ორგანიზმი არ დასუსტდეს, რადგან შლაკებთან ერთად სითხეც გამოდის. მითითებული რაოდენობა, 5-6 მიღებაზეა გათვლილი. შეგიძლიათ, ჭარხალი და კეფირი დააბლენდეროთ და კოქტეილის სახით მიირთვათ. სამდღიანი მკაცრი დიეტის შემდეგ კი, თუ გაგიჭირდათ, შეგიძლიათ, რაციონში ჩართოთ  400 გრამი მოხარშული ხორცი ან თევზი, ასევე, ვაშლი.