პასუხი: სამშობლოსა და ხალხისთვის წაიკითხეთ დილისა და საღამოს ლოცვები და ფსალმუნები. დილის ლოცვებს ბევრად უფრო დიდი დატვირთვა აქვს, ვიდრე ჩვენ გვგონია. რადგან ყოველდღიურ ყოფაში უძლურები ვართ, დავეხმაროთ ყველა იმას, ვისი დახმარებაც გვინდა, შეგვიძლია, ლოცვით შევეწიოთ მათ. ილოცეთ სამშობლოსთვის და ხალხისთვის, ამით დიდ სიკეთეს მოუტანთ ქვეყანას.

პასუხი: უფალმა მოძღვარი იმიტომ მოგვივლინა, რომ მასთან ყოველი ცოდვა მოვინანიოთ. ცოდვა არის დანაშაულთან შეკვრა, თუკი მას აღსარებაში არ ვიტყვით და არ გავთავისუფლდებით მისგან. ყოველი ადამიანი სცოდავს და აღსარება ღმერთმა სწორედ იმიტომ დააწესა, რომ ცოდვებისგან გავთავისუფლდეთ და არა იმიტომ, რომ თავი მოვიწონოთ და ლამაზი სიტყვები ვთქვათ. თანაც, უფალმა ხომ ისედაც იცის ჩვენი ყოველი შეცოდების შესახებ, უბრალოდ, მას სურს, რომ თავმდაბლობით ვაღიაროთ ჩვენი ცოდვები და ვებრძოლოთ მათ. მაგრამ, თუ ხვდებით, რომ კონკრეტული მოძღვარი გაბრკოლებთ და მასთან ვერ იხსნებით, შეარჩიეთ ისეთი მოძღვარი, ვინც უფრო მისაღებია თქვენთვის და ცოდვები მას გაუმხილეთ.

პასუხი: ქრისტიანული ცხოვრების დასაწყისში ადამიანი უანგაროდ და უშრომელად იღებს ღვთის მადლს, რაც  ადამიანს პირველ ეტაპზე უადვილებს ქრისტიანულ ცხოვრებას, რათა არ დაფრთხეს და ეს ყოველივე არ ეძნელოს. მეორე ეტაპზე კი ადამიანმა ეს მადლი თავად უნდა მოიხვეჭოს და ამას შეძლებს კიდევაც ღვთის მცნებათა დაცვით, საკუთარი თავის იძულებით და დაუღალავი ღვაწლით. ამიტომ არის ქრისტიანული ცხოვრება რთული, თუმცა ჭეშმარიტების გზაზე შემდგართათვის, თუ მათი რწმენა ურყევია, რთული არაფერია.

პასუხი: გააჩნია, რა მიზეზით ჩაიდინა ადამიანმა თვითმკვლელობა. თუ ეს აფექტურ მდგომარეობაში ჩაიდინა ან ფსიქიკურად არამდგრადი ადამიანია, მაშინ მასზე ეკლესია ლოცულობს და წესსაც უგებს, მაგრამ როდესაც ადამიანი საღი გონებით უარყოფს უფალს, კარგავს ღვთის რწმენას, იმედს და თავს იკლავს სასოწარკვეთილების გამო, ასეთ ადამიანზე ეკლესია არ ლოცულობს, რადგან ადამიანის ცხონება და გადარჩენა მისივე მონაწილეობით ხდება. ასეთი ადამიანის სახელზე მხოლოდ მოწყალების გაღება შეგიძლიათ.