პასუხი: ამის პასუხად გეტყვით, რომ ღირს მამა არსენს არ უყვარდა, როდესაც მასთან რჩევისთვის მომსვლელი დიდხანს რჩებოდა და ლაპარაკით თავს აბეზრებდა. იგი ამბობდა: საუბრის დასაწყისში მას როგორც ანგელოზს, ისე ვუყურებ, ხოლო თუკი წასვლას აგვიანებს, ისე ვხედავ, როგორც ეშმაკსო.

პასუხი: წმიდა მამათა გადმოცემით: ადამიანი რომ ღმერთისთვის მოსაწონი იყოს, ის სიმდაბლით უნდა გამოირჩეოდეს და არა გონიერებით. შესაძლოა, გონიერება ბოროტმაც მიანიჭოს ადამიანს, მაგრამ სიმდაბლეს ვერასდროს მიანიჭებს და ღვთისთვის სათნო ადამიანი ამითაც გამოირჩევა.

პასუხი: შეეცადეთ, პროფესია არ აირჩიოთ სათანადო განსჯისა და უფლისადმი ლოცვის გარეშე. მიმართეთ უფალს გულმოდგინე ლოცვით და ის დაგანახვებთ გზას, რომლითაც უნდა იაროთ.

პასუხი: მოყვასისადმი სიყვარული ჩვენგან მოითხოვს, რომ არა მხოლოდ თავად ვიყოთ ყველასთან მშვიდობით, არამედ სხვებსაც დავეხმაროთ სიმშვიდის შენარჩუნებაში. ჭეშმარიტი ქრისტიანი გულგრილად არ უნდა უყურებდეს თავისი ახლობლების მტრულ დამოკიდებულებას ერთმანეთის მიმართ და ყველანაირად უნდა ეცადოთ, რომ მათ შორის მშვიდობა ჩამოაგდოთ.

პასუხი: მდიდარი უფლის სამსჯავროზე თავისი სიმდიდრის გამო კი არ აგებს პასუხს, არამედ იმის გამო, თუ როგორ გამოიყენა თავისი სიმდიდრე. იყო თუ არა კეთილი, უხვი და შემწე სხვათა მიმართ. თავისთავად, სიმდიდრე კი არ არის ბოროტება, არამედ, თუ ის სიმდიდრეს კეთილ საქმეებში არ გამოიყენებს. უფალი ბევრ ადამიანს სიმდიდრესაც გამოსაცდელად აძლევს, მაგრამ ზოგი სწორად აბარებს „გამოცდას“, სხვანი კი ამ სიმდიდრის მოხვეჭას მხოლოდ საკუთარ დამსახურებად მიიჩნევენ და მას საკუთარივე კეთილდღეობისთვის მოიხმარენ. ეს, რა თქმა უნდა, არასწორია და ასეთი ადამიანი აუცილებლად აგებს პასუხს უფლის სამსჯავროზე.

პასუხი: როგორც საკმევლის ბოლი ამაღლდება, ასევე უნდა ამაღლდეს ჩვენი ლოცვები უფლის საბრძანისამდე – საკმევლის კმევაში ეს სიმბოლოა ჩადებული.