რუსეთში ბოლო სოციოლოგიური გამოკვლევით, ვით „როსსტატისა“, რუსეთის მოსახლეობის ნახევარს არ აქვს საშუალება, შეიძინოს ხანგრძლივი მოხმარების საგნები, როგორიცაა: სარეცხი მანქანა, მაცივარი, ავეჯი, ავტომანქანა და მისთანები და მოქალაქეებს, რათა, ასე თუ ისე, არსებობა შეძლონ, მაღალი კრედიტების აღება უწევთ.

  მაგრამ, ამის მიუხედავადაც, რაკი, პრ. პუტინის განცხადებით, მსოფლიოს მპყრობელი გახდება ქვეყანა, რომელსაც ექნება ხელოვნური ინტელექტის მონოპოლია, რუსეთმა უნდა უზრუნველყოს თავისი ტექნოლოგიური სუვერენიტეტი. ამიტომაც ხელოვნური ინტელექტის განვითარების აუცილებლობაზე ლაპარაკობს. ცხადია, მეორე საკითხია, აქვს თუ არა შესაბამისი ფინანსები (კვლევის შედეგებით – ადამიანებს სარეცხი მანქანის შეძენაც უჭირთ), მაგრამ, როგორც უნდა იყოს, ჯერ კიდევ 2017 წელს განუცხადებია, რომ ხელოვნური ინტელექტი შესაძლებლობების გარდა ბევრ საფრთხესაც შეიცავს (ანუ უგრძნია?!), მაგრამ მაშინ პირობა დადო, რომ მთელ მსოფლიოს გაუმხელს ტექნოლოგიების საიდუმლოს, ისევე, როგორც ატომურსა და ბირთვულ საიდუმლოებებს უმხელს.

  თუ რუსეთის ფინანსურ შესაძლებლობებს გავითვალისწინებთ, დავამატებთ დასავლურ სანქციებსა და სირიაში საომარ მოქმედებებში მონაწილეობის ფაქტს (რაც დიდი ხარჯია), ვეჭვობ, ხელოვნური ინტელექტით დაეუფლონ მსოფლიოს, თუმცა, ვვარაუდობ, ისევ და ისევ მოქმედი პრ.-ს სახელით მოუწევთ დაკმაყოფილება - ვლადიმირი! -