კითხვა: ჩემი შვილი დაიბადა 1999 წლის 10 ივნისს, საღამოს შვიდ საათზე. რომელი პროფესიებია მისთვის წარმატებების მომტანი და რომელ უცხო ქვეყანაში გაუმართლებს?
პასუხი: მისთვის წარმატების მომტანი პროფესიებია: ლიტერატურა, პოეზია, ხელოვნების ფართო სპექტრი, ფილოსოფია, ფსიქოლოგია, პედაგოგიკა, მედიცინის სხვადასხვა დარგი, ლინგვისტიკა, მთარგმნელობითი საქმიანობა, გასართობი ინდუსტრია, სამეცნიერო-კვლევითი საქმიანობა. უცხოეთიდან კი მისთვის სიკეთის მომტანი ქვეყნებია: იაპონია, გერმანია, ხორვატია, ინდოეთის დასავლეთი მხარე, ლიტვა, საბერძნეთი, ესპანეთის ანდალუზიის მხარე, შვეიცარია, ამერიკის შეერთებული შტატებიდან – ვირჯინია, თურქეთის დასავლეთი მხარე, ბრაზილია, პორტუგალია, ჩინეთის ცენტრალური ნაწილი, ვიეტნამი, ფილიპინები, ტაილანდი, ავსტრალია, ახალი ზელანდია, ისრაელი, კორეა და კუნძული მალტა.
კითხვა: დავიბადე 1981 წლის 5 ნოემბერს, დილის საათებში. უცხოეთში წასვლა გადავწყვიტე. გთხოვთ, მირჩიოთ, რომელი უცხო ქვეყანაა ამ მხრივ ჩემთვის მეტად მისაღები და წარმატების მომტანი?
პასუხი: უცხოეთი თქვენი კარმული მისიაა და იქ დროებით წასვლა, მუშაობა და ძალების მოსინჯვა ნამდვილად ღირს. ქვეყნებიდან კი თქვენთვის კარგია: უკრაინა, რუსეთი, პოლონეთი, შვედეთი, სამხრეთ აფრიკა, ჩილე, სლოვაკეთი, კოლუმბია, კანადა, ახალი ზელანდია, ფინეთი, ავსტრალია, საფრანგეთის სამხრეთი ნაწილი, ესპანეთი, პორტუგალია.
კითხვა: დავიბადე 1992 წლის 27 აპრილს. რა არის ჩემი კარმული მისია და რომელი პროფესია მომიტანს მეტ წარმატებას?
პასუხი: თქვენი კარმული მისიაა, რომ იყოთ მეტად ორგანიზებული, დისციპლინირებული, შეუპოვარი, მიზანსწრაფული, შრომისუნარიანი, მომთმენი, ნებისყოფიანი, პრაქტიკული, ფულის ყაირათიანად მხარჯველ-გადამანაწილებელი, დამოუკიდებელი მებრძოლი, მოწესრიგებული, პასუხისმგებლიანი. თუ ამ თვისებებს წინ წამოწევთ, წარმატებებსაც მიაღწევთ და კარმულ მისიასაც შეასრულებთ. რაც შეეხება პროფესიებს, თქვენთვის კარგია და წარმატებების მომტანი: საბანკო, ეკონომიკური, სავაჭრო, საფინანსო, კომერციული საქმიანობა, მედიცინა, პედაგოგიური საქმე, ლინგვისტიკა, სოციოლოგია, სამეცნიერო კვლევა, საკონსტრუქტორო, საგამომგონებლო საქმიანობა, ტექნიკა-მექანიკა, პოლიტიკის ფართო სპექტრი, სამართალდამცავი ორგანოები, უშიშროების სფერო, მშენებლობა, არქიტექტურა, საინჟინრო საქმიანობა.