პასუხი: თუ ნათლობა მართლმადიდებლური წესების დაცვით ჩატარდა, თქვენ მონათლულად ითვლებით, მნიშვნელობა არ აქვს, ეს რიტუალი სახლში შესრულდა თუ ეკლესიაში. წინათ ხშირად ხდებოდა ასე – ოჯახის წევრის გარდაცვალების შემთხვევაში, მოუნათლავ ოჯახის წევრებს  სახლში ნათლავდნენ.

პასუხი: თუ თქვენ ხართ მართლმადიდებელი ქრისტიანი და ეზიარებით ეკლესიის საიდუმლოებებს, უნდა იცოდეთ, რომ ყოველ საიდუმლოში უფალი მონაწილეობს და ის არ დაუშვებს, რომ ასეთი რამ მოხდეს. თქვენი ეჭვი ურწმუნოებიდან მოდის. უნდა იცოდეთ, რომ ზიარების დროს უბრალო პურსა და ღვინოს კი არ იღებთ, არამედ უფლის სისხლსა და ხორცს იხმევთ.

პასუხი: ეს შეხედულება, რა თქმა უნდა, მიუღებელია. წმიდა წერილიც და მამათა თხზულებებიც ამ თემაზე, სწორედ რომ, საწინააღმდეგო აზრს გვთავაზობენ. ქორწინებამდე სქესობრივი ურთიერთობა არის მეძავობა და უფლის ათ მცნებაში ერთ-ერთი, სწორედ, „არა იმრუშო“ გახლავთ. ამდენად, ქორწინების გარეშე სქესობრივი ურთიერთობა მრუშობად ითვლება. მეტიც, არა მხოლოდ ხორციელი კავშირი, არამედ ვნებიანი გულისთქმაც დიდი ცოდვაა.

პასუხი: უპირველესად, შეინარჩუნეთ სიმშვიდე, რადგან სიზმრებისთვის დიდი მნიშვნელობის მინიჭება არასწორია. გადაუხადეთ თქვენს ახლობლებს პანაშვიდი და მოიხსენიეთ ისინი პირად ლოცვებში და წირვის დროს. ისინი თქვენგან ლოცვით შეწევნას ითხოვენ და ამაში შემაშფოთებელი არაფერია.

პასუხი: ნათლობის ჯვარს მართლაც სჭირდება გაფრთხილება. ამიტომ, ის სათუთად უნდა შეინახოთ და სხვა ნაკურთხი ჯვარი ატაროთ. რადგან დაკარგეთ, შეიძინეთ ახალი ჯვარი, აკურთხებინეთ მოძღვარს და ატარეთ სასოებით.