პასუხი: თავის მხოლოდ მარცხენა ნაწილის ოფლიანობა რომელიმე კონკრეტული პათოლოგიისთვის არ არის დამახასიათებელი (შეიძლება, ძირითადად, მარცხენა მხარეს გძინავთ). რაც შეეხება მარცხენა ხელის დაბუჟებას, ამის მიზეზი შეიძლება, ხერხემლის კისრის ნაწილის მალების ოსტეოქონდროზი იყოს, ან ამ ხელში სისხლძარღვების ან ნერვის პათოლოგია. აუცილებლად მიმართეთ ნევროლოგს.

პასუხი: სტატურანი ინიშნება 15 წლამდე გოგონებში და 18 წლამდე ბიჭებში (თუ რენტგენოლოგიურად დადასტურდა, რომ ზრდის უნარი ორგანიზმს ჯერ კიდევ გააჩნია, პრეპარატი შეიძლება დაინიშნოს გოგონებში 18 წლამდე და ბიჭებში 20 წლამდე). ეს არის პოლივიტამინური კომპლექსი. შესაძლოა, პრეპარატი თქვენთვის ეფექტური იყოს, მაგრამ უნდა დადგინდეს ზრდის შეჩერების მიზეზი, თუ მას ჰორმონული საფუძველი აქვს, სტატურანი არ იქნება საკმარისი, რჩევისათვის უნდა მიმართოთ ექიმ-ენდოკრინოლოგს. სტატურანი უკუნაჩვენებია იოდის აუტანლობის დროს.

პასუხი: ეს არ არის მართალი, უბრალოდ, მეორადი სასქესო ნიშნების განვითარებისა და წვერ-ულვაშის ამოსვლის შემდეგ ზრდა სწრაფი აღარ არის.

პასუხი: ხმის დაბოხება უკავშირდება სისხლში მამაკაცური ჰორმონი ტესტოსტერონის დონის მატებას და ამასთანავე, სახმო იოგების გასქელებას. გარდატეხის ასაკის ხანგრძლივობა მეტად ინდივიდუალურია და, ხშირ შემთხვევაში, 17-18 წლამდეც გრძელდება.