№20 ანეკდოტები
ქალბატონო, მითხარით, რა გაგიკეთოთ, თქვენი სიყვარული რომ დავიმსახურო?– ნარკოზი!
***
ორი ნაცნობი საუბრობს. ერთი მეორეს ეუბნება:
– კუჭის მუშაობის გასაუმჯობესებლად ლუდს ვსვამ. უმადობის დროს – თეთრ ღვინოს, დაბალი წნევის დროს – წითელს, მაღალი წნევის დროს – კონიაკს, ანგინის დროს – არაყს.
– და წყალს როდის სვამ?
– მასეთი დაავადება ჯერ არ მქონია.
***
გამოსაშვებ საღამოზე შემთვრალი სტუდენტები პროფესორს ეუბნებიან:
– გინდათ, ჩვენი პატივისცემის ნიშნად, მთელი კურსი ფულს შევაგროვებთ და ახალ კომპიუტერს გიყიდით?
– არა, არ მინდა.
– მაშინ ახალ მანქანას გაჩუქებთ.
– არც ეგ მინდა.
– მაშინ ფულს შევაგროვებთ და მაგარ აგარაკს გიყიდით.
– არ მინდა.
– აბა, მაშინ თქვენ თვითონ გვითხარით, რა გსურთ?
– ერთი სანუკვარი სურვილი მაქვს, არავის უთხრათ, რომ ჩემი სტუდენტები იყავით.