* ავსტრიელ კომპოზიტორს, გუსტავ მალერს, ძალიან აღიზიანებდა, რომ ოპერის თეატრში მოსულებს ის კი არ აინტერესებდათ, რა ხდებოდა სცენაზე, არამედ დარბაზში ვის რა ეცვა. ერთი ვერსიით, სწორედ მან წამოაყენა წინადადება, დარბაზში შუქი ჩაექროთ.

  * კემბრიჯის უნივერსიტეტში არსებობდა ტრადიცია – გამოცდის შემდეგ ჩაჭრილ სტუდენტებს ხის კოვზებს ჩუქნიდნენ.

  * ტეტრისი – ეს მარტივი, ძველი კომპიუტერული თამაში გვასწავლის, რომ შეცდომები გროვდება, ხოლო წარმატებები იშლება.

  * შუა საუკუნეების ევროპაში იყვნენ რაინდები, რომელთა ფარზე გამოსახულ გერბს შავი ზოლი კვეთდა. ასეთ ფარებს ცნობილი რაინდების უკანონო შვილები ატარებდნენ.