პასუხი: როცა მწვავე ალერგიული რეაქცია რაიმე ალერგენზე ვითარდება, მერე ალერგიული რეაქციის გამომწვევი ნებისმიერი სახის ალერგენი ხდება ხოლმე. მაგალითად, თუ პირველი გამომწვევი მტვერი ან კვებითი ალერგენი იყო, სანამ პროცესი არ ჩაცხრება, მსგავი რეაქცია შეიძლება, ნებისმიერმა სხვა ალერგენმაც გამოიწვიოს.. ამიტომ აუცილებელია ალერგენებთან კონტაქტის შეწყვეტა, ანტიალერგიული და ჰორმონული მკურნალობა. თქვენ აუცილებლად უნდა მიმართოთ გამოცდილ ალერგოლოგს და სწორი მკურნალობა ჩაიტაროთ. ალერგიული რეაქციის პროფილაქტიკისთვის, ალბათ, ასევე საჭირო იქნება ლეიკოტრეინების ანტაგონისტების დანიშვნა, როგორიც არის, მაგალითად, ვანსეარი.

პასუხი: ალბათ, გაინტერესებთ Red syndrome – ეს არის რეაქცია მედიკამენტ ვანკომიცინზე, რომლის გადასხმის დაწყებიდან 5-10 წუთის განმავლობაში შეიძლება, მთელი სხეულის სიწითლე განვითარდეს.

პასუხი: თავდაპირველად უნდა გითხრათ, რომ თქვენ გაქვთ ჭარბი წონა და დაკლება აუცილებელია. ამისათვის მიმართეთ დიეტოლოგს, რათა თქვენი სრულფასოვანი გამოკვლევის შემდეგ შესაბამისი დიეტა და ფიზიკური დატვირთვა შეგირჩიოთ. რაც შეეხება მუხლის სახსრებში ტკაცუნს, ამის მიზეზი შეიძლება იყოს  ართროზი (სწორედ სიმსუქნე ხდება სახსრების პრობლემის მიზეზი). აუცილებელია მუხლის სახსრების ექოსკოპიური გამოკვლევა.