პასუხი: აღმოსავლური ორთაბრძოლების იდეოლოგია ანტიქრისტიანულია, თუმცა ამ ორთაბრძოლების გარკვეული ელემენტების წვრთნის დროს გამოყენება შეიძლება, ოღონდ, თუ უგულებელყოფილი იქნება ის რელიგიური საფუძვლები, რომელსაც საბრძოლო ხელოვნების მათეული ილეთები ეყრდნობა.

პასუხი: ასეთი ფოტოები შეგიძლიათ, სუფთა ადგილზე დაწვათ. მშვიდად იყავით, ამით თქვენს ახლობლებს არანაირი პრობლემა არ შეექმნებათ და არც გარდაცვლილების სულს დაამძიმებთ.

პასუხი: საეკლესიო სწავლებით, სასიკვდინეა ცოდვა, რომელსაც ნათლობის შემდეგ, ზრდასრულ ასაკში ჩვენი სურვილით ჩავდივართ და ეს ეწინააღმდეგება უფლის მცნებებს. სასიკვდინედ კი იმიტომ ითვლება, რომ სასუფეველს გვაკარგვინებს და მარადიული სიკვდილისკენ მიგვიძღვის.

პასუხი: ძაღლი ღვთის შექმნილია და ის ადამიანის მეგობარი და სახლის დარაჯია. რა თქმა უნდა, ძაღლი, ისევე, როგორც სხვა პირუტყვი, საეკლესიო სიწმიდეებთან ახლოს არ უნდა იყოს. უმჯობესია, ძაღლი ეზოში იყოლიოთ.

პასუხი: ოჯახის წევრის სახელის დარქმევა საეკლესიო ტრადიცია არ გახლავთ, თუმცა ეკლესიას ამის საწინააღმდეგო არაფერი აქვს, მით უმეტეს, თუ ეს სახელი რომელიმე წმიდანისაა. ისიც ცრუ შეხედულებაა, როდესაც ჰგონიათ, რომ ბავშვს იმ ადამიანის ბედი ექნება, ვისი სახელიც ჰქვია. დაარქვით ბავშვს რომელიმე წმიდანის სახელი და აღზარდეთ სიმშვიდით და სიკეთით, ღმერთი შეგეწევათ!

პასუხი: ტაძრიდან მოტანილი ყვავილებისთვის განსაკუთრებული ადგილის მიჩენა ხალხური ტრადიციაა, რომელსაც გარკვეული საფუძველი აქვს. იმ ყავილებს, რომლებიც ხელში გეჭირათ წირვის დროს, მართლაც შეუძლიათ ადამიანზე დადებითი გავლენის მოხდენა.