ბერძენმა მოქანდაკემ, პოლიკლეტმა ორი ქანდაკების შექმნა განიზრახა. ერთს ის ყველას დასანახად აქანდაკებდა და ყოველი გამვლელის რჩევას ითვალისწინებდა, ხოლო მეორეს კი თავის სარდაფში, საიდუმლოდ ქმნიდა. როცა ის ქანდაკებების კეთებას მორჩა, ორივე ქალაქის ცენტრში დადგა. ხალხს ერთ-ერთი მათგანი ისე მოეწონა, რომ აღფრთოვანებას ვერ მალავდა, ხოლო მეორე კი იმდენად უსახური იყო, რომ მის შემხედვარე ხალხს ეცინებოდა და უკვირდა, როგორ შეძლო პოლიკლეტმა ასეთი სიმახინჯის შექმნა.

– ქანდაკება, რომელიც სასაცილოდ აიგდეთ, თქვენი შექმნილია, – წარმოთქვა პოლიკლეტმა, ხოლო ის, რომელიც მოგეწონათ, მე შევქმენი!