– პირველი ნაბიჯები საკმაოდ დიდი ხნის, 19 წლის წინ დაიწყო, როცა  საქართველოში სულ რამდენიმე რადიო მაუწყებლობდა, მივედი „პირველ რადიოში“, სადაც, დაახლოებით, 5 წელი გავატარე. შემდეგ იყო რადიო „უცნობი“, რადიო „ნაცნობი“, „პირველი არხი“ და პროექტი „მე მიყვარს საქართველო“, ტელეკომპანია „მაესტრო“, „ჯიდიესი“ და 2017 წელს, ისევ „პირველ არხზე“ დავბრუნდი.

– განსაკუთრებულს ვერაფერს გეტყვით, ბოლო პერიოდში ვცდილობ, ჯანსაღი ცხოვრების წესი დავიცვა, რომ ასაკი, რაც შეიძლება, გვიან დამეტყოს. ასაკისა და ნაოჭების არ მეშინია, ყველაფერს თავისი დრო აქვს.

– ძალიან დიდი მადლობა კომპლიმენტისთვის. ვფიქრობ, გარეგნობაზე მეტი წვლილი მიზანდასახულობასა და სიზარმაცის დაძლევას მიუძღვის. ზუსტად ვიცოდი, რა მინდოდა, რა მიმართულებით უნდა მემუშავა საკუთარ თავზე და განმევითრებინა  და გამეძლიერებინა შესალებლობები. განსაკუთრებით საწყის ეტაპზე და პატარა ასაკში ვიცოდი, რომ „არ შემიძლია“, „მეზარება“, „დილით, 6 საათზე ვერ გავიღვიძებ“ გვერდით უნდა გადამედო და დილიდან საღამომდე მესწავლა და მემუშავა, რადგან არავის მხრიდან წინ წაწევის იმედი არ მქონდა.

– კესარია კარგი გოგოა, მეც ისე ვფიქრობ, როგორც ყველა დედა საკუთარ შვილზე.  როგორი ვარ და მგონი, საჭიროზე დამთმობი და რა თქმა უნდა, ის, ყველაზე მეტად მიყვარს. 7 წლის არის და უკვე ცდილობს, საკუთარ თავს ყურადღება მიაქციოს, განავითაროს. პროფესიას რაც შეეხება, ჟურნალისტობა არ უნდა – არ მოსწონს და ბალერინობაზე ოცნებობს. ვნახოთ, რა იქნება.

– პირად ცხოვრებაში ხდება ყველაზე კარგი და მნიშვნელოვანი რამ, რაც შეიძლება მომხდარიყო, ვზრუნავ კეთილ, უსაყვარლეს, პატარა კესარიაზე.

– რთული შეკითხვაა, არ ვიცი. ამ დრომდე არ მიფიქრია.

– მნიშვნელოვანია ყველაფერი: მსოფლმხედველობა, ფასეულობები, პრინციპები და სხვა ადამიანური თვისებები. ვრცლად საუბარი შორს წაგვიყვანს. უხერხული იქნება, ჩამოვთვალო ის თვისებები, რაც მამაკაცს არ უნდა ახასიათებდეს. გეტყვი როგორი უნდა იყოს. ზოგადად, ქალები ვითხოვთ ყველაზე მარტივს და ამავდროულად ყველაზე რთულს.  კაცი ყველგან, ყოველთვის და ყველაფერში უნდა იყოს კაცი.

– რა თქმა უნდა. კონფლიქტით არც დავშორებულვართ. ორი ზრდასრული ადამიანი ვართ. მშვიდად ვისაუბრეთ, გავარკვიეთ, გავერკვიეთ და დავიშალეთ. დღეს ძალიან კარგი ურთიერთობა გვაქვს და რაც მთავარია, ორივე ვზრუნავთ ერთ, ყველაზე მნიშვნელოვან ადამიანზე – ჩვენს შვილზე.

– პირველ რიგში, კესარიასა და ოჯახის წევრების კარგად ყოფნა. დანარჩენს თვითონ ვუშველი.

– მამაკაცს გააჩნია (იცინის). რთული არ მგონია, მაგრამ ფაქტია, მარტივიც არ არის.

– ჭორები გამიგია. იყო პერიოდი, როცა ძალიან მწყინდა, მტკიოდა, ვერ ვხვდებოდი თუ როგორ შეუძლია, სრულიად უცხო ადამიანს, რომელიც არც გიცნობს, არც უნახიხარ, არც არაფერი დაგიშავებია, ილაპარაკოს შენზე და ამტკიცოს სრული აბსურდი და სიბინძურეც კი. შემდეგ ნელ-ნელა მივეჩვიე და უკვე იმუნიტეტი მაქვს (იცინის).

– ისევე, როგორც ყველა. ინტრიგანი ღირსების არმქონე, ძალიან, ძალიან პატარა ადამიანია. სიცოცხლისთვის მოცემული დრო კი საკმაოდ ცოტა გვაქვს და არ ვფიქრობ, რომ რაიმეს გარკვევასა და   ნერვიულობაში უნდა დავხარჯო. ამიტომ, მომენტალურად ვიშორებ.

– კი, იყო რთული პერიოდები, რომლის გახსენებაც არ მსიამოვნებს, მაგრამ იმავდროულად, ის ადამიანები და ის სირთულეები დამეხმარნენ რაღაც-რაცებზე დაფიქრებასა და გადაფასებაში. ასე რომ, მადლიერების გრძნობას ნუ დავკარგავთ, ვიმოძრაოთ წინ და ვიზრუნოთ იმ ადამიანებზე, ვინც გვიყვარს.