№16 საიდუმლო გასაღებშია
ნინო კანდელაკი ელენე წულუკიძე
სახლში ძველებური სკივრი გაქვთ. დაათვალიერეთ ეს გასაღებები, დააკვირდით მათ და აირჩიეთ ერთი – ეს არჩევანი თქვენზე ძალიან ბევრ რამეს იტყვის. გასაღები #1 – რაციონალისტი ბრძანდებით: ეს იმას ნიშნავს, რომ საერთოდ არ ხართ მეოცნებე. ნებისმიერ სკივრს თუ საიდუმლო ოთახს ყოველგვარი მღელვარებისა და ყოყმანის გარეშე გააღებთ. ღრუბლებში არ დაფრინავთ და ცხოვრებას რეალურად უყურებთ.
გასაღები #2 – ფრთხილი:
სულ რაღაცის გეშინიათ და ძალიან ფრთხილი ხართ ადამიანებთან ურთიერთობისას. თქვენი ნდობის მოპოვება ძნელია. მხოლოდ ახლობლები გიცნობენ კარგად და იციან, როგორი მხარდაჭერა იცით.
გასაღები #3 – კონსერვატორი:
თქვენ კონსერვატორი ხართ, ანუ ის, ვისთვისაც მნიშვნელოვანია ტრადიციები. ადვილად ვერ იღებთ ცვლილებებს, გაფრთხობთ სიახლეები. თუმცა ჭკვიანი, ინტელიგენტური და საინტერესო ადამიანი ბრძანდებით, რომელსაც განვითარების თვალსაზრისით, სხვებისთვის ბევრი რამის მიცემა შეუძლია.
გასაღები #4 – მეოცნებე:
მეოცნებე და რომანტიკოსი ხართ. ცხოვრებაში ყველაზე მეტად სიკეთესა და პატიოსნებას აფასებთ. შემოქმედებითი ნატურა ხართ, რომელსაც ყველაფერი მშვენიერი ხიბლავს და აინტერესებს. მთელ თავისუფალ დროს საყვარელ საქმეს ახმართ.
გასაღები #5 – თავგადასავლების მოყვარული: ძალიან გაქვთ განვითარებული წარმოსახვა. შეგიძლიათ, ყველაზე მოსაწყენი ამბავიც კი განსაცვიფრებელ შედევრად აქციოთ. იუმორის საოცარი ნიჭი გაქვთ, ადრენალინი – ეს თქვენი მეორე სახელია.
გასაღები #6 – საიდუმლოების მცველი:
ის ხართ, ვინც იცის და შეუძლია საიდუმლოს შენახვა. თუმცა ზოგჯერ უცნაურად იქცევით. იზიდავთ ყველაფერ უცნაურს. გიყვართ იდუმალი ადამიანები და საგნები. ძალიან გინდათ, ამოხსნათ ყველა თავსატეხი და ამოცანა.