* 1665 წელს რემბრანტმა დაამთავრა ავტოპორტრეტის ხატვა, მაგრამ როდესაც ნახატს შეხედა, საღებავის სქელი ფენით სასწრაფოდ წაშალა ხელები და თავიდან დახატა. მხატვარი ავტოპორტრეტს სარკის დახმარებით ხატავდა, ამიტომ ნახატზე ფუნჯი მარცხენა ხელში ეჭირა და პალიტრა კი – მარჯვენაში.

* პითაგორას ბეჭედზე იყო წარწერა: „დროებითი გაუმართლებლობა უკეთესია, ვიდრე დროებითი გამართლება“.

* გასულ საუკუნეში ინგლისში გამოსცადეს ახალი სატელეფონო კავშირი, სადაც აბსოლუტურად იყო გამორიცხული ყოველგვარი ხმაური, ტკაცუნი ან შიშინი. თუმცა აბონენტებმა არ მიიღეს – ხმაურის გარეშე შეუძლებელი იყო გამოეცნოთ, მოსაუბრე ჩაფიქრდა თუ კავშირი გაწყდა.

* ინგლისის საფოსტო განყოფილებებში გამოკრული იყო წარწერა: „დეპეშის ტექსტი გასაგებ ენაზე უნდა იყოს დაწერილი. გამონაკლისია სამთავრობო დეპეშები“.