წვნიანის დიეტის დროს ზედმეტი წონის დაკლებას პირველივე დღიდან იწყებთ. თუმცა, მისი დაცვა რეკომენდებულია მხოლოდ კვირაში სამი დღე და შემდეგ დიეტამდე ორკვირიანი ინტერვალით. ის საკმაოდ ეფექტურია, არ არის რთული და კარგი საშუალებაა ზამთარში დაგროვილი რამდენიმე კილოგრამის მოსაშორებლად. დიეტის დაცვის დროს ფიზიკური ვარჯიში და სპორტი რეკომენდებული არ არის. წვნიანის მომზადების კონკრეტულ რეცეპტს მნიშვნელობა არა აქვს. მთავარია, ის დაამზადოთ მცენარეულ ზეთზე და  უცხიმო საქონლის ან ქათმის ხორცით. სხვა შეზღუდვა არ არსებობს. მიირთვით იმ დოზით, როგორც ჩვეულებრივ დღეებში მიირთმევთ ხოლმე.

საუზმე:1 ჭიქა 0-პროცენტიანი იოგურტი, 1 ცალი მწვანე ვაშლი.

სადილი: ბოსტნეულის, საქონლის ხორცის ან ქათმის წვნიანი და 1 ნაჭერი ორცხობილა.

ვახშამი: ბოსტნეულის, საქონლის ხორცის ან ქათმის წვნიანი და 1 ცალი ფორთოხალი.

ძილის წინ, დალიეთ პიტნის ნაყენი, რომელიც თქვენს ორგანიზმზე დამამშვიდებლად იმოქმედებს.

თუ დღის განმავლობაში ძალიან მოგშივდათ და თავს ვერ იკავებთ, შეგიძლიათ, თქვენი სურვილით შეარჩიოთ და მიირთვათ  1 ცალი მწვანე ვაშლი ან 1 ცალი ფორთოხალი, ანდა, 1 ჭიქა იოგურტი ან მწვანე, უშაქრო ჩაი.