№. წაყალბურთის გუნდის ,,იმედის,,კიდევ ერთი დიდი წარმატება
წყალბურთის გუნდი „იმედი“ ხუთი წლის წინ შეიქმნა და ამ ხნის მანძლზე გუნდის წევრებმა არაერთხელ გამოიჩინეს თავი სხვადასხვა შეჯიბრებებში. ა.ა.ი.პ თბილისის გლდანი ნაძალადევის კომპლექსური სპორტული ცენტრის გლდანის აუზის ცურვისა და წყალბურთის გუნდი ,,იმედის,, წარმატებებზე, გუნდის მწვრთნელი ვეტერანი წყალბურთელი - დავით ხავთასი გვესაუბრა. 
დავით ხავთასი: 1993 წლიდან ვმოღვაწეობ მწვრთნელად. ჩემი გუნდი „იმედი“ სულ ხუთი წელია რაც ჩამოყალიბდა 2005-2006 წლებში დაბადებული ბავშვებით. ამ ხნის მანძილზე ბევრ წარმატებას მივაღწიეთ. გასულ წელს მონაწილეობა მივიღეთ საქართველოს დამსახურებული მწვრთნელის, თაობების აღმზრდელის ბორის მეგედის ხსოვნისადმი მიძღვნილ ტურნირში, სადაც ჩემმა გუნდმა ,,იმედმა,, მეორე საპრიზო ადგილი დაიკავა. ვმონაწილეობთ საქართველოს პირველობებში და ყველა ოფიციალურ ტურნირში. გასულ წელს ჩემი გუნდი სიმპათიის პრიზით დაჯილდოვდა. ამ გუნდზე დიდ იმედებს ვამყარებ. ჩემთან ერთად გუნდის მწვრთნელია ჩემი ყოფილი თანაგუნდელი, მამუკა ნიაზაშვილი. დიდი მხარდაჭერა გვაქვს გლდანი ნაძალადევის სპორტული ცენტრის დირექტორის ირაკლი ფურცელაძის მხრიდან, რისთვისაც მადლობა მინდა გადავუხადო მას.