ჰერპესი ერთ-ერთი ყველაზე ხშირი დაავადებაა, რომელსაც ვირუსი იწვევს. ცნობილია, რომ მსოფლიოს მოსახლეობის 90 პროცენტი ჰერპესის ვირუსითაა დაავადებული.
გამომწვევი მიზეზები: ჰერპესის ვირუსი ჯანმრთელ ადამიანზე კონტაქტური ან ჰაერ-წვეთოვანი გზით გადადის. დაავადებას იწვევს ასევე გადაციება ან გადახურება, ასევე იმუნიტეტის დაქვეითება. სიმპტომები: ტუჩისა და ცხვირის არეში კანის ანთებითი პროცესი, პირის ლორწოვანი გარსის ანთებითი პროცესი, გამონაყარი ლოყებზე, ხელის თითებზე, ზურგზე, გენიტალიებზე, შუბლზე.
ხალხური მეთოდები ჰერპესის სამკურნალოდ:
* ზეითუნის ზეთი – ზეითუნის ზეთი უხვად შეიცავს ანტიოქსიდანტებს და ხშირად გამოიყენება ხალხურ მედიცინაში. ის საუკეთესოა ჰერპესის სამკურნალოდაც. გააცხელეთ ზეთი, დაუმატეთ ცოტაოდენი ლავანდის ზეთი და ფუტკრის ცვილი. გააცივეთ და მიღებული ნარევი ინფიცირებულ ადგილას დაიტანეთ;
* გვირილის ნაყენი – გვირილას ანტი-ვირუსული თვისებები ახასიათებს, ამიტომ შეგიძლიათ, გვირილის ნაყენი სავლებად გამოიყენოთ;
* პროპოლისის ნაყენი – კარგია, თუ წარმოქმნილ ბუშტუკებს სპირტზე დამზადებული პროპოლისის ნაყენით დაიმუშავებთ. ის აშრობს კანს, ხელს უშლის ანთების განვითარებას და სხვა ადგილებში გავრცელებას, ასევე დეზინფიცირებას ახდენს და აჩქარებს შეხორცების პროცესს;
* პიტნის ეთერზეთი – პიტნის ეთერზეთი არა მხოლოდ შესანიშნავად კურნავს, ნივრისგან განსხვავებით, სუნიც სასიამოვნო აქვს და მისი გამოყენება საზოგადოებრივ ადგილებში დისკომფორტს არ შეგიქმნით;
* ყინული – ყინულით მკურნალობა ერთ-ერთი მარტივი ხერხია. ჩაყარეთ ყინული ცელოფანში ან ნაჭრის ქსოვილში და დაიდეთ ის ჰერპესზე. ცოტა ხანში ქავილი და შეშუპება გაქრება;
* სოდა –  სოდა ბამბით მოისვით ჰერპესზე. ის დააჩქარებს ჰერპესის გაქრობის პროცესს;
* ჩაის პაკეტები – შავი ჩაი მდიდარია ტანინით, რომელიც ანტივირუსული და ანთების საწინააღმდეგო თვისებებითაა ცნობილი. ჩადეთ ჩაის პაკეტი ერთ ჭიქა ცხელ წყალში. გაციების შემდეგ ამოიღეთ და დაიდეთ ინფიცირებულ ადგილას 5 წუთით. გაიმეორეთ პროცედურა დღეში ორჯერ ან სამჯერ.
* წყალბადის ზეჟანგი – თუკი ტუჩებზე უკვე გაქვთ პატარა ბუშტუკები, უმჯობესია, ყოველ 2-3 საათში ერთხელ წყალბადის ზეჟანგით დაიმუშავოთ. საღამოს თქვენი სახე უკვე სუფთა იქნება. პროცედურა ცოტა მტკივნეულია, მაგრამ ეფექტური!
* სამედიცინო სპირტი – როგორც კი ქავილის შეგრძნება გაგიჩნდებათ, ის ადგილი მოწვით სპირტით იმდენჯერ, სანამ ქავილი არ გაქრება. ასე ჰერპესი 3-4 დღის შემდეგ გაგივლით, სამკურნალო მალამოებით მკურნალობა  კი 7-10 დღე გრძელდება. არჩევანი თქვენზეა.
ჰერპესი ხშირად დაბალი იმუნიტეტის ფონზე ვლინდება, ამიტომ თქვენი კვების რაციონი გაამდიდრეთ თუთიით, B ჯგუფის ვიტამინებით, რაც ორგანიზმს სწრაფ გამოჯანმრთელებაში დაეხმარება.
ჰერპესით დაავადებულმა ინფექცია სხვასაც რომ არ გადასდოს, მკაცრად უნდა დაიცვას პირადი ჰიგიენა. უნდა ჰქონდეს საკუთარი პირსახოცი, ჭურჭელი, რომელსაც სხვები არ შეეხებიან.скачать dle 11.3