უკრაინის ხელისუფლებამ ჩვენებურ სეპარატისტებს (სეპარატისტულ სკამებში ჩაბრძანებულებს) სანქციები დაუწესა და სამი წლით აუკრძალა უკრაინის ტერიტორიაზე შესვლა. იმ მიზეზით, რომ ისინი დამკვირვებლებად ჩავიდნენ ე. წ. ლუგანსკისა და დონეცკის თვითგამოცხადებულ წარმონაქმნებში.
სიაში მოხვდნენ „იუჟნაია ოსეტელი“ „პარლამენტარები“: ბახვა თადეევი, იგორ ჩიჩოევი და თვით „პარლამენტის“ თავმჯდომარის მოადგილე რუსლან თადეევი. „პრ“ ბიბილოვის მრჩეველი დავიდ გაზაევი და იმავე „პრ.-ს“ ადმინისტრაციის ხელმძღვანელი იგორ კოზაევი. სანქციებს ვერც აფხაზი სეპარატისტები გადაურჩნენ: კერძოდ, დე-ფაქტო საგარეო საქმეთა სამინისტროს „საგანგებო ელჩი“ ოლეგ არშბა, დე ფაქტო ცენტრალური აღმასრულებელი კომიტეტის წარმომადგენელი თამაზ გოგია და „დეპუტატი“ ალმასხან არძინბა.
უკრაინის დამოკიდებულება გასაგებია (და მართებულიც), მაგრამ სრულიად გაუგებარი – საქართველოს ყველა ხელისუფლების პასიურობა (რბილად ვამბობ), ვინაიდან ჯერ კიდევ მ. სააკაშვილის მმართველობის დროიდან მოყოლებული (ცხადია, დღემდე), არც კი აღძრულა შესაბამისი საქმეები ბობოლა-ბობოლა სეპარატისტების (და არა მხოლოდ მათ) წინააღმდეგ, რომ თავისუფლად არ ეპარპაშათ დედამიწის ზურგზე.
თუმცა არც ახლაა გვიან – ანუ აღძარით სისხლის სამართლის საქმეები ყველა სეპარატისტის წინააღმდეგ, რომლებმაც დანაშაული ჩაიდინეს და გადაეცით მათი გვარები „ინტერპოლს“! -
скачать dle 11.3