№8 კითხვა-პასუხი
კითხვა: მიჭირს წონაში კლება და ვფიქრობ, ეს ასაკის ბრალია. იქნებ მირჩიოთ ისეთი რამ, რაც დამეხმარება წონაში ადვილად კლებაში და ამასთანავე, ორგანიზმსაც გაწმენდს შლაკებისა და მავნე ნივთიერებებისგან? მაწუხებს შეკრულობა და მგონი, ნივთიერებათა ცვლაც არ მაქვს წესრიგში.
პასუხი: სანამ დაიწყებთ ზედმეტი წონის კლებას და დიეტას, აუცილებელია, ორგანიზმი გაიწმინდოთ, რომ შედეგს ადვილად მიაღწიოთ. ორგანიზმის უსაფრთხოდ გასაწმენდად, შეგიძლიათ, გამოიყენოთ შემდეგი საშუალება: 3 ჭიქა წყალი აადუღეთ ქვაბში. დაამატეთ 150 გრამი ქიშმიში და შავი ქლიავი. 15 წუთით ადუღეთ და შემდეგ, დააყენეთ. ყოველ დილით, 1 კოვზი ეს სითხე უზმოზე მიიღეთ. რამდენიმე დღეში ცვლილებას შეამჩნევთ. შეკრულობისა და ნივთიერებათა ცვლის არანაირი პრობლემა არ შეგაწუხებთ და წონაში ზედმეტი ძალისხმევის გარეშე დაიკლებთ. შავი ქლიავი ნაწლავების გაწმენდის საშუალებას იძლევა. ამასთან, შეიცავს ვიტამინებს. მის შემადგენლობაში არსებული უჯრედისი აჩქარებს ნივთიერებათა ცვლის პროცესს, ორგანიზმიდან გამოაქვს ზედმეტი სითხე და ზრდის ვიტამინების ათვისების დონეს. სწორედ ამიტომ, ეს პროდუქტი ხელს უწყობს წონის სწრაფ დაკლებას და ზრდის ნაწლავის მიკროფლორას ხარისხს. ქიშმიშს კი ნაწლავებიდან გამოაქვს მავნე ნივთიერებები, ასტიმულირებს თირკმელების მუშაობას, ასევე, უზრუნველყოფს ღვიძლის მუშაობასაც.