№7 ვალის სანაცვლოდ
ფოტო, რომელსაც წარმოგიდგენთ, გადაღებულია ქუთაისში, მიხაილოვ-საღარაძის ფოტოატელიეში, მეოცე საუკუნის დასაწყისში.
ეს ფოტო ნიკოლოზ საღარაძემ, ატელიეს სხვა უამრავ უნიკალურ ფოტოსთან ერთად, საქართველოს ეროვნულ არქივს 1950-იანი წლების ბოლოს თავად გადასცა. მისი მონათხრობის მიხედვით, ამ უცნაური ფოტოს ისტორია ასეთია: შალვა დადიანმა ქუთაისის თეატრისათვის ფული ისესხა, თუმცა დათქმულ დროში ვალის გადახდა ვერ შესძლო. ამის გამო საკუთარი გარდაცვალების სცენა დადგა და მევალეს ფოტო გაუგზავნა. ამ თამაშს მისთვის სასურველი შედეგი მოჰყვა – თეატრს ვალი აპატიეს.