№2 ეს საინტერესოა
* ბრიტანეთის მეფეს, გიორგი მესამეს ჭკუიდან შეშლის შემდეგაც კი არ დაუკარგავს მუსიკისადმი სიყვარული. ერთხელ, როდესაც მან ჰენდელის ნაწარმოები დაუკრა, იქ მყოფებს უთხრა: ეს იყო მეფის საყვარელი ნაწარმოებიო, რადგან სულიერი ავადმყოფობის გამო ის მესამე პირში ლაპარაკობდა.
* ფიგურებისა და საგნების ხატვისას ხაზების შერბილების ტექნიკას სფუმატოს უწოდებენ. ლეონარდო და ვინჩი, რომელსაც მის გამოგონებას მიაწერენ, მხატვრებს ურჩევდა, რომ მის დასაუფლებლად კარგად დაკვირვებოდნენ კედელზე სინესტის გამო გაჩენილ ფიგურებს, ფერფლს ან ღრუბლებს.
* ჩინური ხელოვნება პენცზინი – „პეიზაჟი ქოთანში“ და იაპონური ბონსაი – ჯუჯა ხეების მოშენება ინდური ტრადიციული აიურვედისგან, ანუ სამკურნალო მცენარეების მედიცინისგან წარმოიშვა – მათი შორ მანძილზე გადატანა ქოთნებში უფრო მოსახერხებელი იყო.