ანუ დაწუნებულები

​მაშინ, როდესაც რუსული საოკუპაციო მავთულხლართები მედგრად მოიწევენ საქართველოს შიდა ტერიტორიებისკენ, ჩრდილოეთში გაზრდილა იმ რუსთა რაოდენობა, რომლებიც იაპონიისთვის კურილიის კუნძულების გადაცემის მომხრენი არიან.
სახელდობრ, თუკი 2016 წელს ასეთთა რიცხვი 7 პროცენტი იყო, აწ უკვე 17 პროცენტისთვის მიუღწევია. ნუ იტყვით და, თურმე, იმ მიზნით, რომ ორ ქვეყანას შორის მშვიდობამ დაისადგუროს.
ხსენებული კვლევა ამა წლის 22-28 ნოემბერს ლევადა-ცენტრს ჩაუტარებია,
მეტიც ამჟამად რუსეთის მოქალაქეთა ნახევარი იაპონიისადმი დადებითადაა განწყობილი და მხოლოდ 20 პროცენტს გამოუხატავს უარყოფითი დამოკიდებულება.
მოგეხსენებათ, რომ რუსეთი თითქოს მზადაა, დაუბრუნოს იაპონიას წართმეული.
მართალია, დაზუსტებით არ ვიცით, რას მოიმოქმედებენ კრემლში, მაგრამ, თუ გავიხსენებთ, რომ ჩვენ სოხუმი და ცხინვალი წაგვართვა, უკრაინელებს კი – ყირიმი და დონბას-ლუგანსკი, მეტიც – ქერჩშიც შეუცვივდნენ, არც ისაა გამორიცხული, რომ იმიჯის გასაკეთილშობილებლად იაპონიას მართლაც უწყალობოს კურილიის კუნძულები (ნაწილი მაინც).
აქედან გამომდინარე კი, ჩნდება ეჭვი ან ჩვენი ულვაშები არ მოსწონს, ან დიდი, შავი თვალები?!
скачать dle 11.3