ნებისმიერი დიეტის მთავარი პრინციპია ზომიერება, კვების რეჟიმის დაცვა, მკაცრად შეზღუდული რაციონი და არა შიმშილი. ჭამეთ ხშირად და ცოტ-ცოტა. ერთჯერადი რაციონი არ უნდა აღემატებოდეს 200-220 გრამს. სურვილისამებრ, შეგიძლიათ, ნებადართული პროდუქტი დღის განმავლობაში 5-6 ჯერზე გადაანაწილოთ. ვახშამი დაძინებამდე 4-5 საათით ადრე მიირთვით. დიეტის დროს აკრძალულია მზა სოუსები, ჩიფსები, ტკბილეული, ძეხვეული და ნახევარფაბრიკატები. კარგი იქნება, თუ რაციონს ორთქლზე  მოამზადებთ. წყალი დალიეთ იმდენი, რამდენსაც ორგანიზმი გთხოვთ. თუ ამ წესებს მიჰყვებით, კვირაში სამ ზედმეტ კილოგრამს უპრობლემოდ და შიმშილის გარეშე დაიკლებთ.
საუზმე: შვრიის ფაფა 1 ჩაის კოვზი თაფლით და 1 ჭიქა ლიმონიანი წყალი ან ლიმონიანი უშაქრო ჩაი.
სადილი: ბოსტნეულის წვნიანი, 1 ნაჭერი ყველი ან 1 ცალი მოხარშული კვერცხი, 1 ნაჭერი ტოსტი, 1 ჭიქა ახალგამოწურული ხილის წვენი.
ვახშამი: წყალზე მომზადებული წიწიბურა უცხიმოდ და ცოტა მარილით, 1 ნაჭერი მოხარშული ქათმის თეთრი ხორცი ან მოხარშული თევზის ნაჭერი, 1 ჭიქა გაზგასული მინერალური წყალი.
ძილის წინ: პიტნის ან ასკილის უშაქრო ჩაი.

скачать dle 11.3