კითხვა: დავიბადე 1974 წლის 10 ოქტომბერს, დღის საათებში. რა არის ჩემი კარმული მისია და რომელი ქვის ტარება  დამეხმარება პირად ცხოვრებაში მიზნის მისაღწევად და მომიტანს წარმატებებს?
პასუხი: ქვებიდან კარგია: ჟადეიტი, ლაზურიტი, ნეფრიტი; გრანდიოზული საქმიანობის დროს დაგეხმარებათ ოპალი; ასევე, კარგია, ტოპაზი, მარგალიტი, გიშერი, ალექსანდრიტი, მარჯანი, ბრილიანტი, მთის ბროლი, ქარვა, სერდოლიკის და სარდონიქსის ქვები; საფირონისა და ფირუზის ტარება დაგეხმარებათ, პირად ცხოვრებაში დასახულ მიზანს მიაღწიოთ, ხოლო, თქვენი კარმული მისიაა, იყოთ მეტად აქტიური, ენერგიული, ინიციატივიანი. უნდა შეძლოთ საკუთარ თავზე პასუხისმგებლობის აღება, ლიდერულ-ორგანიზატორული თვისებების გამოვლენა, სადაც საჭიროა უშიშარი, მებრძოლი სულისკვეთების გამოჩენა; უნდა გააძლიეროთ რწმენა საკუთარი შესაძლებლობებისადმი. პატივი ეცით ტრადიციებს. დაეყრდენით ინტუიციას, ურთიერთობაში – დიპლომატიას. შეინახეთ თქვენი პირადი საიდუმლო და ის მხოლოდ გადამწყვეტი ნაბიჯის გადადგმის შემდეგ გაამხილეთ. ეს ყოველივე თქვენი წარმატების ფაქტორებია.
კითხვა: დავიბადე 1978 წლის 21 დეკემბერს. რომელ სფეროში მოვსინჯო ძალები, რომ ცხოვრებაში მეტ წარმატებას მივაღწიო და რა არის ჩემი კარმულ-კოსმიური მისია?
პასუხი: თქვენთვის კარგია და წარმატების მომტანი: აქტიურობა, ენერგიულობა, ინიციატივიანობა. თქვენს კარმულ მისიას უკავშირდება ასევე ის, რომ წარმოაჩინოთ ლიდერულ-ორგანიზატორული თვისებები. იყოთ მშვიდობისმოყვარე, დაეყრდნოთ ცოდნის ბაზას, დიპლომატიას. დაიცავით სამართლიანობა, ეცადეთ, გქონდეთ სტაბილური, პარტნიორული ურთიერთობა. პროფესიებიდან წარმატების მომტანია: პოეზია, ლიტერატურა, ხელოვნების ფართო სპექტრი, იურისპრუდენცია, დიზაინი, სამოდელო სფერო, არქიტექტურა, პარფიუმერიულ-კოსმეტიკური საქმიანობა, ქორეოგრაფია, ფოტოგრაფის ხელოვნება, სოციოლოგია, ფსიქოლოგია, საკონდიტრო სფერო. თუ პრობლემებს დაძლევთ, წარმატებები გელით, ასევე, შემდეგ პროფესიებში: მანქანათმშენებლობა, ავტოსაინჟინრო საქმე, მანქანების ბიზნესი, სპორტი, ტექნიკა-მექანიკა, საკონსტრუქტორო-საგამომგონებლო საქმიანობა, სამეცნიერო კვლევა.скачать dle 11.3