კითხვა: მყავს 3 თვის პატარა. მაინტერესებს, რა პერიოდში რა რაოდენობით უნდა ჩამოსდიოდეს თვალიდან ცრემლი?
პასუხი: დღე ღამეში 1 მილილიტრამდე ცრემლი უნდა გამოიყოფოდეს.
კითხვა: ნორმალურია თუ არა როდესაც 7 წლის ბავშვი ძილის დროს ვერ იგებს და საკმაოდ ხშირად ლოგინში შარდავს.
პასუხი: ვინაიდან 5 წლამდე ღამის ენურეზი ჩვეული მოვლენაა და პათოლოგიად არ მიიჩნევა, მის მკურნალობას 5 წლიდან ვიწყებთ. ენურეზის დროს ხშირია სპონტანური გამოჯანმრთელება (ყოველწლიურად – ასიდან 15 შემთხვევა), თუმცა ღამის ენურეზის იგნორირება მაინც არ შეიძლება.
კითხვა: „მეწაღის გულმკერდი“ ადამიანის სიცოცხლისთვის საშიშია?
პასუხი: თუ მკერდის ძვლის მცირე დეფორმაციაა, ანუ მკერდის ძვალი არ აწვება ფილტვებს და გულს, საშიში არაფერია.
კითხვა: მყავს 1 წლისა და 9 თვის გოგონა, 1 წლის და 4 თვის რომ იყო, დაუნიშნეს ვილენსკის ჯოხი, 3 თვის განმავლობაში ეკეთა. მერე, რენტგენი რომ გადავუღეთ, თითქმის ყველაფერი რიგზე ჰქონდა, თუმცა 2 თვე დღეში სამი საათი მაინც უნდა ეკეთოს. ბავშვი ფეხზე ვერ დგება, ხოხვით ხოხავს, მაგრამ ძალიან ზარმაცია და ხოხვაც არ უნდა, არა და სანამ იმ ჯოხს გავუკეთებდით დგებოდა და კედელ-კედელ დადიოდა (კარადას ხელს ჰკიდებდა, დივანს მიჰყვებოდა და ასე დადიოდა). ჩავუტარეთ მასაჟების კურსი. ოდნავ უკეთესობა არის, მაგრამ რომ არ აქტიურობს, მაინც გვეშინია. რაიმე პრობლემა ხომ არ არის?
პასუხი: საგანგაშო არაფერია. მიჰყევით სპეციალისტების რჩევებს და ყველა რეკომენდაცია შეასრულეთ. პატარას აქტიურობისა და სრული დატვირთვისთვის დრო სჭირდება.
რუბრიკას უძღვება ოჯახის ექიმი
მაია ნუცუბიძე
скачать dle 11.3