№36 შეკითხვა ასტროლოგს
კითხვა: დავიბადე 1977 წლის 26 თებერვალს. რა არის ჩემი კარმულ-კოსმიური მისია დედამიწაზე?
პასუხი: თქვენი კოსმიურ-კარმული მისიაა, გამოავლინოთ ხასიათში ისეთი შტრიხები, როგორიცაა: აქტიურობა, ენერგიულობა, კომუნიკაბელურობა, ოპტიმიზმი, გულღიაობა. ასევე, უნდა იყოს უშიშარი მებრძოლი, იუმორით აღსავსე ოპტიმისტი. დაეყრდენით ცოდნის ბაზას, იყავით დემოკრატიული პრინციპების გამტარებელი. შეძელით ნოვატორული, რეფორმატორული ტენდენციების გამოვლენა, სპონტანური იმპროვიზაციები, ორიგინალური თვითგამოხატვა, არასტანდარტული მოქმედება და დაეყრდენით უანგარო პრინციპებს ურთიერთობებისას. ეს თქვენთვის წარმატების მომტანიცაა და კოსმიურ მისიასაც შეასრულებთ დედამიწაზე.
კითხვა: დავიბადე 1978 წლის 12 აპრილს. უცხოეთში მინდა წასვლა და ძალების მოსინჯვა. რომელ ქვეყანას მირჩევთ?
პასუხი: თქვენთვის უცხოეთის ქვეყნებიდან კარგია და მისაღები: ამერიკის შეერთებული შტატების აღმოსავლეთი ნაწილი, ინგლისის დასავლეთი მხარე, ბელგია, ეგვიპტის სამხრეთი ნაწილი, კანადა, კუნძული სარდინია, ჩრდილოეთ აფრიკის ქვეყნები, საბერძნეთი, ნორვეგია, იტალია, არგენტინა, ბირმა, ჩინეთის ჩრდილოეთი ნაწილი, ტიბეტი, ესპანეთის კატალონიის მხარე, ლატვია, ავსტრია და ჰავაის კუნძულები.
კითხვა: დავიბადე 1999 წლის 19 აგვისტოს, დილის 6 საათზე. რა არის ჩემი კარმული მისია და რომელი პროფესიებია მეტად მისაღები?
პასუხი: თქვენი კოსმიური მისია უკავშირდება უცხოეთთან კონტაქტს. ამიტომ, რაც მეტად გექნებათ კავშირი უცხოეთთან, მით უფრო წარმატებული იქნება თქვენი ცხოვრება. პროფესიებიდან კი კარგია პოლიტიკის ფართო სპექტრი, საბანკო, ეკონომიკური, სავაჭრო, საფინანსო სფერო; მწერლობა, იურისპრუდენცია, სამართალდამცავი და სამხედრო სტრუქტურები, უშიშროების სფერო, მშენებლობა, საინჟინრო სფერო, სტომატოლოგია, ტრავმატოლოგია, ფარმაცევტიკა, ჟურნალისტიკის სფერო, რადიო, ტელევიზია, პრესა, სარეკლამო და საგამომცემლო ინდუსტრია, პედაგოგიკა, ლინგვისტიკა.