№35 ერთი პრ. და ორი „პრ.“
შუაშია ბაიყუში?!
რაკი 26 აგვისტო დიდი დღეა ამ ჩვენი ოკუპანტი ქვეყნისა და ჩვენივე სეპარატისტებისთვის, ცხინვალელ ანატოლი-ჯაყოს (ბიბილოვი) პრ. პუტინი აღიარების ათი წლისთავზე ცხინვალში მოუპატიჟებია (სატელეფონო საუბრის დროს), მონაწილეობა მიიღეთ ცხინვალში დაგეგმილ ღონისძიებებშიო.
თუმცა რფ-ის პრ.-ს სამუშაო გრაფიკმა, თურმე, საშუალება არ მისცა, ამიტომაც ანატოლიცა და რაულიც (ხაჯიმბა) მოსკოვში გადაიპატიჟა.
ხოლო, სანამ პრ. პუტინი მთთან შესახვედრად ემზადებოდა, როგორც ოსურ-სეპარატისტული მედია-წყაროები იუწყება, გერმანიის კანცლერი თბილისს ეწვია ოფიციალური ვიზიტით (იმიტომ რომ ანგელა მერკელი, თურმე, კვლავაც „აგრესორის“, მაშასადამე, ჩვენ მხარესაა).
სეპარატისტული ლოგიკა იქით იყოს, თუმცა ფაქტი ფაქტად რჩება: რფ-ის პრეზიდენტს მართლაც თავისი შესაფერისი კომპანია აურჩევია.