№34 კითხვა-პასუხი
კითხვა: ჩემი წონა სავსებით მაკმაყოფილებს და მინდა, რომ შევინარჩუნო, ანუ, არც გავხდე და არც გავსუქდე და რას მირჩევთ? არ მიყვარს ბევრი ჭამა, მაგრამ თუ დანაყრებული არ ვარ, ვერ ვაზროვნებ. ასევე, უარს ვერ ვამბობ სასუსნავებზეც და მეშინია, წონაში არ მოვიმატო.
პასუხი: იკვებეთ დაბალკალორიული, მაგრამ ჯანსაღი საკვებით. ჯობია, ერთი თეფში მაკარონი მიირთვათ საწებელთან ერთად, ვიდრე ორი ულუფა მოხარშული კარტოფილი, რომელიც დაგანაყრებთ, მაგრამ გუნება-განწყობას არ გამოგიკეთებთ და ისევ დაიწყებთ, რაიმე გემრიელი სასუსნავის ძებნას. რის შედეგადაც, მიღებული კალორიების რაოდენობა ბევრად უფრო მეტი იქნება, ვიდრე ერთი ულუფა მაკარონის შემთხვევაში. ეცადეთ, დღის განმავლობაში, ცოტ-ცოტა და ხშირად მიირთვათ, საღამოს კი, საკვების მიღებისგან თავი შეიკავოთ.
კითხვა: თავის დაბანის დროს ვიყენებ კონდიციონერს, სპრეის და ნიღაბს. რა თანმიმდევრობით გამოვიყენო ისინი?
პასუხი: თუ შამპუნთან ერთად, ასევე, იყენებთ კონდიციონერს, სპრეის და ნიღაბს, გეტყვით, რომ ჯერ შამპუნით უნდა დაიბანოთ, შემდეგ კონდიციონერით და ბოლოს, სპრეი უნდა გამოიყენოთ.