№33 ეს საინტერესოა
* ნაპოლეონს უთქვამს: ათასი ფრანგი ყოველთვის ამარცხებს 1 500 მამლუქს, ასი მამლუქი ას ფრანგს უდრის, მაგრამ ორი მამლუქი კი სამ ფრანგსო.
* ძველი გადმოცემის თანახმად, რომი რომ შენდებოდა, კიდევ ერთხელ აღსრულდა კაენის ცოდვა. რომულუსმა მოკლა საკუთარი ძმა რემი.
* გაზეთი „ნიუ-იორკ თაიმსი“ კრიზისის პერიოდში ისე გაიტენა რეკლამებით, რომ მისი წონა თითქმის კილოგრამს აღწევდა, ფასი კი მხოლოდ რამდენიმე ცენტი იყო. სულ მალე რედაქცია იძულებული გახდა, შტატში აეყვანა სპეციალური მეთვალყურეები, რომლებიც გაზეთის გამყიდველებს უთვალთვალებდნენ, რომ მაკულატურაში არ ჩაებარებინათ.
* ასანთის წარმოება მეცხრამეტე საუკუნის 30-იანი წლებიდან ვითარდება. პირველ ეტაპზე მის დასამზადებლად ადვილად აალებად მომწამვლელ ნივთიერებას, ფოსფორს იყენებდნენ და საკმაოდ სახიფათო იყო. 1885 წლის შემდეგ, ეს დარგი შვედეთმა აითვისა, ახალი ტექნოლოგია დაინერგა, ფოსფორი გოგირდით შეიცვალა და ასანთიც უსაფრთხო გახდა.