№. შეკითხვა ასტროლოგს
კითხვა: დავიბადე 1997 წლის 19 აპრილს. უცხოეთი თუ არის ჩემთვის კარმულ-კოსმიური მისია და რომელი ქვეყნებია მისაღები, რომ გავემგზავრო?
პასუხი: უცხოეთი თქვენთვის აუცილებელია და კარმულიც, რათა დაკისრებული მისია შეასრულოთ, ცხოვრებაში წარმატებებს მიაღწიოთ და გაგიმართლოთ. ქვეყნებიდან კი კარგია და მისაღები: იტალია, არგენტინა, ჩინეთის ჩრდილოეთი ნაწილი, ეგვიპტე, ტიბეტი, ესპანეთის კატალონიის მხარე, მონაკო, ლატვია, ჰავაის კუნძულები, ავსტრალია, საფრანგეთის სამხრეთი ნაწილი, სერბეთი, სლოვენია და პორტუგალია. აქვე გეტყვით, რომ უნდა მოერიდოთ ისეთ ქვეყნებთან ურთიერთობას, როგორიცაა: რუსეთი, შვედეთი, პოლონეთი, ჩილე, კოლუმბია, სამხრეთ აფრიკა, ნიკარაგუა, ეთიოპია, კანადა, ახალი ზელანდია.
კითხვა: დავიბადე 1982 წლის 26 მარტს, დილის 8 საათისთვის. რომელი პროფესიებია ჩემთვის მისაღები და წარმატების მომტანი?
პასუხი: თქვენთვის მისაღებია და წარმატებების მომტანი: გასართობი ინდუსტრია – კაზინო, რესტორანი, ატრაქციონები ან ლატარია; ასევე, სახელმწიფო ზემაღალ ეშელონებში ადმინისტრაციული საქმიანობა. საიუველირო სფეროს ბიზნესი, ჟურნალისტიკა, რადიო, ტელევიზია, პრესა, სარეკლამო ან საგამომცემლო საქმიანობა; თუ ბარიერებსა და წინაღობებს გადალახავთ, ასევე წარმატებები გელით ისეთ პროფესიებში, როგორიცაა: დიზაინი, ხელოვნება, არქიტექტურა, კოსმეტიკური საქმიანობა, იურისპრუდენცია, ფსიქოლოგია და სოციოლოგია.
კითხვა: დავიბადე 1990 წლის 30 აგვისტოს. რომელი პროფესიაა ჩემთვის მისაღები? მომავალში მინდა, უცხოეთში წასვლა, სწავლის გაგრძელება და მუშაობა. რომელ ქვეყანას მირჩევთ?
პასუხი: პროფესიებიდან თქვენთვის მისაღებია: სცენარისტობა, დრამატურგია, რეჟისურა, კომპიუტერული ტექნოლოგია, აუდიო-მობილური-ვიდეო სისტემები, საკომუნიკაციო სისტემები, ჟურნალისტიკა, რადიო-ტელევიზია, პრესა, სარეკლამო, საგამომცემლო სფერო, სამეცნიერო-კვლევითი საქმე, საკონსტრუქტორო საქმიანობა, დიზაინი, არქიტექტურა, ისტორია, ეთნოგრაფია, არქეოლოგია, ფსიქოლოგია, ფილოსოფია, პედიატრია. რაც შეეხება უცხოეთს, ის თქვენი კარმულ-კოსმიური მისია არ არის, თუმცა, არც ცუდია. ქვეყნებიდან კი კარგია: ამერიკის შეერთებული შტატების დასავლეთი მხარე, ჰოლანდია, თურქეთი, პოლონეთი, რუსეთი, კანადა, სლოვაკეთი.
კითხვა: დავიბადე 1986 წლის 4 ივნისს. მინდა რაიმე ბიზნესის წამოწყება. რომელ სფეროში მელის ამ მხრივ მეტი მოგება და წარმატება?
პასუხი: ზოგადად, თქვენთვის კარგია ბიზნესით დაკავება – ეს თქვენი წარმატების ერთ-ერთი ფაქტორია. კარგია თქვენთვის უძრავი ქონების, ხელოვნების, ბენზინის, სასმელების, კლინიკების ბიზნესი.
კითხვა: დავიბადე 1974 წლის 8 მარტს. უცხოეთის რომელი ქვეყნებია ჩემთვის მისაღები, რომ წავიდე?
პასუხი: უცხოეთი თქვენი კარმული მისიაა, ამიტომ იქ გამგზავრება და ძალების მოსინჯვა, ძალიან კარგია. ქვეყნებიდან კი თქვენთვის წარმატების მომტანია და სასიკეთო: ამერიკის შეერთებული შტატების დასავლეთი ნაწილი, სერბეთი, ავსტრალია, საფრანგეთის სამხრეთი ნაწილი, პორტუგალია, რუსეთი, სლოვენია, ესპანეთი, პოლონეთი, შვედეთი და კანადა.
კითხვა: დავიბადე 1974 წლის 10 იანვარს. რა არის ჩემი კარმული მისია დედამიწაზე?
პასუხი: თქვენი კარმული მისიაა, იყოთ მეტად ორგანიზებული, დისციპლინირებული, შრომისუნარიანი, მიზანსწრაფული, მომთმენი, პრაქტიკული, ფულის სწორად მხარჯველი. ასევე, გამოავლინეთ ინიციატივა, ლიდერულ-ორგანიზატორული ნიჭი, აიღეთ საკუთარ თავზე პასუხისმგებლობა, იყავით მაქსიმალისტი, მებრძოლი სულისკვეთების, ნებისმიერ საქმეს მიუდექით მეტი სერიოზულობით.