№. ძმების დაპირისპირება ნიკოლოზ ანდრიაძის სახელობის სახელობის ტურნირში
ცნობილი ქართველი პოეტის, ტიციან ტაბიძის შვილიშვილი - ნიკოლოზ (გივი) ანდრიაძე წარმატებული მოფარიკავეა და სპორტის ამ სახეობას მთელი ცხოვრება მიუძღვნა, არაერთი
ჯილდოს მფლობელია და 2010 წელს ტიციან ტაბიძის სახელობის თბილისის 43-ე სკოლაში ნიკოლოზ ანდრიაძის სახელობის ფარიკაობის კლუბი გახსნა, სადაც ახალგაზრდა მოფარიკავეები მსოფლიო დონის ასპარეზობებისვის იწვრთნებიან.
თხუთმეტწლამდელი მოფარიკავე მონაწილეობდა ახალგაზრდებში მსოფლიოს ჩემპიონის, ვეტერან მოფარიკავეთა შორის მსოფლიოს და ევროპის პრიზიორს, მედიცინის მუშაკთა ევროპის ჩემპიონის, მედიცინის მეცნიერებათა დოქტორ ნიკოლოზ ანდრიაძის სახელობის ტურნირში. მსგავს შეჯიბრებას
თბილისის საფარიკაო დარბაზმა მეხუთედ უმასპინძლა (მთავარი მსაჯი ლუდვიგ ღაღანიძე). სამივე დისციპლინაში გამარჯვებულები და პრიზიორები ორ ასაკში გამოვლინდნენ. საგულისხმოა, რომ უმცროსი ასაკის წარმომადგენელთა უმეტესობა უფროსებშიც მონაწილეობდა და საპრიზო ადგილებზეც გავიდნენ. გულშემატკივრებმა ძმების ორთაბრძოლაც იხილეს: 2003-2004 წლებში დაბადებულ მოხმალავეთა ფინალში ერთმანეთთან არკვევდნენ ურთიერთობას ძმები ჭიჭინაძეები აჭარიდან. რაპირაში ძმები
კეჟერაძეები (ასევე აჭარიდან) ნახევარფინალში დაუპირისპირდნენ ერთმანეთს.