რუსეთის გულში ფეხბურთის მსოფლიო ჩემპიონატი ის-ის იყო გაიხსნა და საპატიო ლოჟაში ამ ჩვენი „იუჟნაია ოსეტიასა“ და აფხაზეთის „პრეზიდენტებიც“ დაავანეს, რომ მოსკოვის ცენტრში ჩინელი გულშემატკივარი გაქურდეს და, თქვენ წარმოიდგინეთ, მოპარეს არც მეტი, არც ნაკლები, ერთი მილიონი რუბლის ღირებულების (მათ შორის, 300 000 რუბლი ნაღდ ფულად ჰქონდა დაზარალებულს) ძვირფასი ნივთებით სავსე ზურგჩანთა. ცხადია, სისხლის სამართლის საქმე აღიძრა, თუმცა ნაკლებად სავარაუდოა, რომ დამნაშავე იპოვონ (მეორე მხრივ, ერთი მგლისკენო და, რას დაიარებოდა ამ უღრან რფ-ში მილიონრუბლიანი ნივთებით?!), როგორც ის, რომ რუსი ქალები შეასრულებენ „დუმის“ კომიტეტის (ოჯახის, ქალებისა ბავშვების საკითხებში) თავქალის (თამარა პლეტენევას) შეგონებას, რომ არ დაამყარონ ინტიმური ურთიერთობები ჩემპიონატზე ჩამოსულ უცხოელებთან (მოტივით: ის ბავშვები ძალიან წვალობენ, მით უფრო, თუ სხვა კანის ფერისა გამოდიანო).
ფეხბურთის ჩემპიონატისა რა მოგახსენოთ და ის კი ფაქტია, რომ ამ ჩვენს ოკუპანტ ქვეყანაში ქურდები ისევ ქურდობენ, ხოლო ფეხსუსტნი ისევ ფეხსუსტობენ.
скачать dle 11.3