კატალოგი
პოლიტიკა
ინტერვიუები
ამბები
საზოგადოება
მოდი, ვილაპარაკოთ
მოდა + დიზაინი
რელიგია
მედიცინა
სპორტი
კადრს მიღმა
კულინარია
ავტორჩევები
ბელადები
ბიზნესსიახლეები
გვარები
თემიდას სასწორი
იუმორი
კალეიდოსკოპი
ჰოროსკოპი და შეუცნობელი
კრიმინალი
რომანი და დეტექტივი
სახალისო ამბები
შოუბიზნესი
დაიჯესტი
ქალი და მამაკაცი
ისტორია
სხვადასხვა
ანონსი
არქივი
ნოემბერი 2020 (103)
ოქტომბერი 2020 (210)
სექტემბერი 2020 (204)
აგვისტო 2020 (249)
ივლისი 2020 (204)
ივნისი 2020 (249)

№24 ექიმის რჩევები

ნინო კანდელაკი მაია ნუცუბიძე

კითხვა: საკვების მიღების შემდეგ, ზოგჯერ, მომატებული მაქვს ნერწყვის გამოყოფა. რისი ბრალია? სხვა სახის ჩივილი არ მაქვს, ტკივილით არაფერი მტკივა.
პასუხი:
თუ ნერწყვის გაძლიერებული გამოყოფა აღინიშნება მხოლოდ ჭამის შემდეგ შეიძლება, ვიფიქროთ, რომ მიზეზი არის კუჭ-ნაწლავის პათოლოგია: კუჭის წყლული, პანკრეატიტი, გასტროდუოდენიტი, გასტრიტი... ჭიებით ინვაზიაც არ არის გამორიცხული.
კითხვა: ჩემს მეუღლეს უკვე 2 თვეა, რაც ყელის ტკივილი აწუხებს – თითქოს რაღაც აქვს გაჭედილი და ხელს უშლის ნერწყვის ყლაპვას. მაპატიეთ და, ამოქარვის დროს ეს შეგრძნება ცოტა ეხსნება. ერთადერთი, როცა იღვიძებს, მაშინ არის მშვიდად. რა შეიძლება იყოს ამის მიზეზი?
პასუხი:
სავარაუდოდ, მას აქვს გასტრო-ეზოფაგური რეფლუქსური დაავადება, გამოწვეული კუჭისა და თორმეტგოჯა ნაწლავის შიგთავსის საყლაპავში გადასროლით. დიაგნოზის დაზუსტების მიზნით, გირჩევთ, გასტროენტეროლოგთან დროულ ვიზიტს, რათა თავიდან აიცილოთ შემდგომი გართულება და პათოლოგიის გაღრმავება.
კითხვა: ვარ 43 წლის ქალი. მოვიტეხე მცირე წვივის ძვალი ქვედა მესამედში, დამადეს თაბაშირი. მაინტერესებს, როდის შეიძლება თაბაშირის მოხსნა?
პასუხი:
მნიშვნელობა აქვს იმას, თუ რა სახის მოტეხილობა იყო და აგრეთვე იმასაც, თუ, ზოგადად, რა მდგომარეობაში გაქვთ, ძვლები. მცირე წვივის ძვლის მარტივი მოტეხილობის დროს თაბაშირის ტარების ხანგრძლივობა დაახლოებით 1 თვეა, დიდი წვივის მოტეხილობისას – 3 თვე. თუმცა კიდევ ერთხელ გეტყვით, რომ ყველაფერი იმაზეა დამოკიდებული, როგორ წარიმართება ძვლის აღდგენის პროცესი.
კითხვა: შეიძლება, საშვილოსნოს ყელის ეროზიის გამომწვევი მიზეზი იყოს ჰერპესვირუსი?
პასუხი:
დიახ, გენიტალიური ჰერპესი შესაძლოა, იყოს საშვილოსნოს ყელის ეროზიის მიზეზი.
კითხვა: მომტყდა საჯდომი ძვლისა და ბოქვენის ძვლის შეერთების ადგილი. 5 თვე გავიდა და აქამდე არ მაწუხებდა. ახლა კი, ტკივილი დამეწყო. რისი ბრალი იქნება?
პასუხი:
თქვენ დაგჭირდებათ განმეორებითი რენტგენოლოგიური კვლევის ჩატარება, უნდა შეფასდეს მოტეხილი ძვლის მდგომარეობა.
კითხვა: გთხოვთ გამარკვიოთ, არის თუ არა იდენტური კატეგორიის დაავადებები სპონდილიტი და სპონდილოზი. ან რა განსხვავებაა მათ შორის?
პასუხი:
სპონდილიტი არის ხერხემლის ანთება, ხოლო სპონდილოზი – ხერხემლის სახსრების დეგენერაციული დაავადება. არ არის გამორიცხული მათი თანაარსებობაც.
რუბრიკას უძღვება ოჯახის ექიმი მაია ნუცუბიძე
скачать dle 11.3