„სპუტნიკის“ ინფორმაციით, აფხაზეთის სახელმწიფო უნივერსიტეტსა (სადაც სტუდენტებს ცოდნა ყურებიდან გადმოსდით) და ჩინურ დელეგაციას შორის, თითქოსდა, განიხილეს საკითხი საგანმანათლებლო გაცვლის შესახებ.
კერძოდ, აფხაზეთის სახუნივერსიტეტის რექტორსა (ალეკო გვარამიასა) და აფხაზეთში ჩინელების ასოციაციის თავკაცს (გე ჩჟილის) 24 აპრილს ხელიც მოუწერიათ შესაბამისი პროტოკოლისთვის.
ჩვენ არ ვიცით (არ გვითხრეს და იმიტომ), რა წერია პროტოკოლში, მაგრამ გვაცნობეს, რომ ის თანდათანობით გამდიდრდება შინაარსით.
რექტორს (გვარამიას უბრძანებია), დადგა დრო, რომ ჩვენი უნივერსიტეტის კედლებში სხვა ეროვნების სტუდენტებმაც გაიღრმავონ ცოდნა და მოხარული ვარ, რომ შეიქმნა აფხაზურ-ჩინური კულტურის ცენტრიო. თუმცა, ყველაზე საინტერესო ის არის, რომ, მართალია, ცენტრს აფხაზურ-ჩინური ჰქვია, მაგრამ მისი მიზანი ჩინელებისთვის რუსულის სწავლება ყოფილა და აფხაზების ჩინეთში გამგზავრებაც. აი, მეორე მიმართულებად კი გვარამიამ (ალეკომ) ჩინური მედიცინის სწავლება დაასახელა.  
და იქვე შენიშნა, რომ მსგავსი ცენტრი დედამიწაზე პირველია. თვალის ერთი გადავლებითაც ცხადია, რომ ინფორმაცია შიდა მოხმარებისთვისაა, მაგრამ, დამეთანხმებით, არ იქნებოდა ურიგო, თუკი ჩინური ნემსებით მკურნალობისას, იქ უჩხვლეტდნენ, რაც მათ ადეკვატურობის დაბრუნებაში დაეხმარებოდა. –

скачать dle 11.3