კითხვა: თმა ძალიან ნელა მეზრდება და ამასთანავე, მცვივა. თუ არსებობს რაიმე საშუალება რომ დავაჩქარო თმის ზრდა და შევაჩერო ცვენა?
პასუხი: თმის ზრდისთვის გამოგადგებათ ნიღაბი ზღვის მარილისა და ბანანისგან, რომელიც ასე უნდა მოამზადოთ: საშუალო ზომის ბანანისგან მოამზადეთ პიურე, დაუმატეთ 1 სადილის კოვზი ზღვის მარილი. მოათავსეთ ეს მასა ბლენდერში და კარგად ათქვიფეთ. შეიზილეთ თმის ძირებში. დაიხურეთ პოლიეთილენის პაკეტი და მოიხვიეთ პირსახოცი. ნახევარი საათის შემდეგ კი, ჩამოიბანეთ. თმის გასამაგრებლად და ცვენის შესაჩერებლად კარგია შემდეგი ნიღაბი, რომელიც მზადდება ზღვის მარილის, კვერცხის გულისა და კეფირისგან და კარგია ნებისმიერი თმის ტიპისთვის: 50 მილილიტრ წყალში გახსენით 1 ჩაის კოვზი ზღვის მარილი, დაუმატეთ 1 კვერცხის გული და 50 მილილიტრი კეფირი. ყველაფერი კარგად აურიეთ და დაბანის შემდეგ, შეიზილეთ თმის ძირებში. ნახევარი საათის შემდეგ კი, ჩამოიბანეთ.
კითხვა: ძალიან მილაპლაპებს სახის კანი და მაღიზიანებს. ამის მოსახსნელად რაიმე საშუალება არ არსებობს?
პასუხი: ამისთვის არსებობს სპეციალური ნიღაბი, რომელიც ლაპლაპა კანის პრობლემას მოგიგვარებთ. 2 ჩაის კოვზ ხილის, ბოსტნეულის ან მაგარ ჩაის ხსნარში გახსენით თიხა. უნდა მიიღოთ არაჟნის კონსისტენციის მასა და დაამატეთ 5-6 წვეთი გულყვითელას ნაყენი. მომზადებისთანავე დაიდეთ სახეზე და გაიჩერეთ 10-15 წუთით. შემდეგ გულდასმით ჩამოიბანეთ. საშუალოდ მაგარი ცივი ჩაით. ამ ნიღბის ცხიმიან კანზე დადებამდე კარგად გაიწმინდეთ სახე თბილი, მომჟავო რძით და შეიპკურეთ თბილი ან მარილიანი წყალი. გარდა ამისა, შეგიძლიათ, გაიწმინდოთ კანი მატონიზებელი ლოსიონით ან ჩაით.
скачать dle 11.3