№42 თბილისის ღია უნივერსიტეტის ახალი კამპუსი ოფიციალურად გაიხსნა
თბილისის ღია სასწავლო უნივერსიტეტმა ახალი, თანამედროვე სტანდარტებით აშენებული კამპუსი, ოფიციალურად გახსნა. უახლესი ტექნოლოგიური და საგანმანათლებლო რესურსით აღჭურვილი შენობა გამოცდილი არქიტექტორების მიერ, ყველა საერთაშორისო სტანდარტის დაცვით დაპროექტდა. 15 000 კვადრატულ მეტრზე განთავსებული ნაგებობა ორ საკონფერენციო დარბაზს, თანამედროვე ბიბლიოთეკას, სამეცნიერო ლაბორატორიებსა და სტუდენტურ სივრცეებს მოიცავს: აღჭურვილია უსაფრთხოების სისტემებით და სრულადაა ადაპტირებული უნარშეზღუდული პირებისთვის.
თბილისის ღია უნივერსიტეტის ახალი კამპუსი TOU-ს თანამშრომლებმა და მოწვეულმა სტუმრებმა გახსნეს. ცერემონიას 
მთავრობის ვიცე-პრემიერი - განათლების მინისტრი ალექსანდრე ჯეჯელავა, ქალაქის მერი – დავით ნარმანია და განათლებისა და მეცნიერების კომიტეტის თავმჯდომარე – თამარ ჯაში დაესწრნენ.
თბილისის ღია სასწავლო უნივერსიტეტი ქართულ საგანმანათლებლო სივრცეში 15 წელზე მეტია, ფუნქციონირებს და ახორციელებს 20-მდე საბაკალავრო და სამაგისტრო პროგრამასა და ასევე, პროგრამებს პროფესიული განათლების მიმართულებით. უნივერსიტეტს 2 000-მდე სტუდენტი ჰყავს, მათ შორის, უცხოელი სტუდენტები ინგლისურენოვან პროგრამებზე.