ანუ შენ რომ ჩემზე მეტი ტერიტორია დაკარგეო?!



არა მხოლოდ ჩვენ, აშშ-ელებსაც ჰქონიათ საპრეზიდენტო ბიბლიოთეკა, სახელდობრ, ჯორჯ ბუში უმცროსისა.
ჰოდა, რაკი ჰქონიათ, აშშ-ის ხუთი ყოფილი პრეზიდენტი სწორედ ზემოხსენებულ საპრეზიდენტო ბიბლიოთეკაში შეიყარა და გამოაცხადეს, რომ ქარიშხლით დაზარალებული ამერიკელების დასახმარებლად გამართულ საქველმოქმედო კონცერტში მიიღებენ მონაწილეობას.
კერძოდ, აშშ-ის რიგით 39-ე (ჯიმი კარტერი), 41-ე (ჯორჯ ბუშ უფროსი), 42-ე (ბილ ქლინთონი), 43-ე (ჯორჯ ბუშ უმცროსი) და 43-ე (ბარაქ ობამა) ცნობილ ამერიკელ მომღერლებთან ერთად გამოვლენ 21 ოქტომბერს, ტეხასის უნივერსიტეტის „რიდ არენაზე“.
მეტიც, სპეციალური ვიდეოკლიპიც მომზადდა, რომელშიც ხუთივე პრეზიდენტი მოუწოდებს ამერიკელებს, დაეხმარონ წყალდიდობით დაზარალებულ თანამემამულეებს.
ინიციატივა, ცხადია, მისასალმებელი და ამაღელვებელია, განსაკუთრებით, იმ ფონზე, როდესაც, საკუთრივ, ჩვენთან მმართველები იმაში ეჯიბრებიან ერთმანეთს, ვის პერიოდში დაიკარგა უფრო მეტი თუ უფრო მცირე ტერიტორია. –
скачать dle 11.3