„ჯერ თავო და თავო…“ 


მართალია, საქართველოს მოქალაქეების უმეტესობის მოტივია „თავო ჩემო, ბედი არ გიწერია“, მაგრამ, სამაგიეროდ, ჩინოვნიკების პათოსია კვლავ ძველებური: „ჯერ თავო და თავოო“…
ხოლო, რადგან ძველია (პათოსი), გავრცელებული ინფორმაციით, ბორჯომის გამგეობამ ბორჯომის ტყეში გაჩენილი ხანძრის სალიკვიდაციო სამუშაოებში აქტიური მონაწილეობისთვის, ბორჯომისვე მუნიციპალიტეტის გამგებელი და გამგეობის რამდენიმე თანამშრომელი დააჯილდოვა (ფულით, რასაკვირველია).
კერძოდ, თუ ამ ინფორმაციას ვენდობით, ბორჯომის გამგებლის (დიმიტრი ყიფიანის)  7 სექტემბრის ბრძანებულებით, გამგეობის 11 თანამშრომელი მიიღებს ფულად ჯილდოს (მათ შორის, გამგებელიც).
მეორე მხრივ, წახალისება ჩინოვნიკისთვისაც აუცილებელია, ოღონდ, თუ გავითვალისწინებთ, რომ ჯერჯერობით პრემიები არ გაცემულა იმ 3 322 მეხანძრე-მაშველისთვის, რომლებიც ხანძრის პირველ ხაზზე მუშაობდნენ, ფაქტია, რომ ბორჯომის გამგებელს მოცდა არ აწყენდა.
სხვა რომ არაფერი, დიდი დიმიტრი ყიფიანის ხათრით მაინც, ანუ პათოსით: „დედაშვილობამ მეტს არ გთხოვ, შენს მიწას მიმაბარეო…“ –
скачать dle 11.3