№21 გამობიბილებული
ანუ ევროშხაპი
ვიცით, რომ ჩვენი ქვეყნის ტერიტორიული მთლიანობის ერთადერთი გარანტი ჯერჯერობით ისაა, რომ მას ჩვენი დასავლელი პარტნიორები და, მათ კვალდაკვალ, საერთაშორისო ორგანიზაციები აღიარებენ.
თუმცა, რაკი ამ ვერაგ წუთისოფელს ხანგრძლივ არავინ გაუხარებია, სამხრეთ კავკასიასა და საქართველოში კრიზისის საკითხებში ევროკავშირის სპეციალურმა წარმომადგენელმა ჰერბერტ ზალბერმა ცივი წყალი გადაგვასხა და, არც მეტი, არც ნაკლები, „პრ.“ ბიბილოვს „გაპრეზიდენტება“ მიულოცა.
საქართველოს საგარეო საქმეთა სამინისტრომ სრული ერთი დღის განმავლობაში პირში წყალი ჩაიგუბა, თუმცა ვარშავაში ვიზიტად მყოფმა პარლამენტის თავმჯდომარემ განაცხადა (მომყავს ციტატა): „ვიზიარებ შეშფოთებას ბატონ ზალბერის განცხადებასთან დაკავშირებით და იმედია, ევროკავშირის მხრიდან იქნება შესაბამისი რეაგირება ამ განცხადების გამო.“
აი, ის კი გაუგებარია, ევროკავშირის რეაგირებას რატომ ველოდებით: ენებიც გავყიდეთ, მიწასთან ერთად?! –