არსებობს პარფიუმერია, რომელიც ქალის სინაზეს, ელეგანტურობას, გემოვნებას, დახვეწილობასა და სექსუალურობას უსვამს ხაზს. Cartier-ს  სუნამოები კი, ყველაფერს ამას აერთიანებს და მასთან ერთი შეხებაც საკმარისია, მიხვდე, ის შენი სხეულისთვისაა განკუთვნილი, შენს კანს ამდიდრებს, ხდები შესამჩნევი და იმავდროულად, ამოუცნობი, მისტიკური და მიმზიდველი.
Cartier-ს  ახალი არომატი Basiser Fou   გაჯერებულია თეთრი შოკოლადის და ორქიდეის ნოტებით, რაც ქალს შოკოლადივით ტკბილს და ორქიდეის ყვავილივით ლამაზს, ნაზს ხდის. ეს კი, საპირისპირო სქესში, მხურვალე კოცნის სურვილს აღძრავს.
როგორც „ისი-პარის” მარკეტინგისა და პიარის დეპარტამენტის ხელმძღვანელი ხატია შამუგია ამბობს, ახალი სუნამოს შეძენა მომხმარებელს „ისი-პარის” ყველა ფილიალში უკვე შეუძლია. ეს არის არომატი, რომელშიც ქალურობა, მგრძნობელობა და მხურვალე, ვნებიანი კოცნის სურვილი იმალება. ორქიდეა ქალური ბუნების სიმბოლოა, ხოლო თეთრი შოკოლადი აქამდე არასდროს ყოფილა გამოყენებული, არცერთ პარფიუმერიაში. ეს კიდევ უფრო მეტად პიკანტურსა და ამოუცნობს ხდის ამ ახალ არომატს.
რაც შეეხება Baiser Fou-ს  სუნამოს ფლაკონს, ის როგორც Cartier-ს სამკაულები, დახვეწილი და მდიდრულია – ისეთი, ნებისმიერი ქალის ჩანთაში რომ უნდა ინახებოდეს. ფლაკონის თავსახური, როგორც სამკაული, ბეჭდის დიზაინითაა შესრულებული. ჟოლოსფერი და მკვეთრი ვარდისფერი შეფუთვა კი, სუნამოს ხასიათს უსვამს ხაზს.