ვაშლი სამკურნალო ხილია. მასში თავმოყრილია ორგანიზმისათვის საჭირო თითქმის ყველა აუცილებელი ვიტამინი და მინერალი, აგრეთვე ფოლის მჟავა და შაქარი.
ვაშლის დიეტა ხელს უწყობს ნივთიერებათა ცვლას და ჭარბი წონის დაგდებას. საუკეთესო დიეტაა განტვირთვის დღე ვაშლით, განსაკუთრებით დღესასწაულების შემდეგ. ასეთი დიეტა მოაწყვეთ კვირაში ერთხელ, ან ორჯერ. წონის შესანარჩუნებლად კი, საკმარისია თვეში ერთხელაც. „ვაშლის დიეტა” საკმაოდ ეფექტურია ათეროსკლეროზისა და ჰიპერტონიის პროფილაქტიკისთვისაც.
არსებობს დიეტის რამდენიმე ვარიანტი:
ვარიანტი 1
დღის განმავლობაში მიირთვით, მხოლოდ ვაშლი, ნებისმიერი რაოდენობით.
ამასთანავე, აუცილებლად, უნდა მიიღოთ დიდი რაოდენობით სითხე.
ვარიანტი 2
დღის განმავლობაში მიირთვით 1,5 კილოგრამი ვაშლი და დამატებით სხვა არაფერი. ის სითხე, რაც ვაშლშია, საკმარისია. ვაშლი შეიძლება, იყოს გაზქურაში შემწვარი.
ვარიანტი 3
ვაშლის და კეფირის დიეტა: 1 ვაშლზე 1 ჭიქა კეფირი, დღეში 5-6-ჯერ.
ასევე, ყოველ დილას, ერთი თვის განმავლობაში, 2-3 ვაშლი უზმოზე კარგი საშუალებაა ყაბზობის საწინააღმდეგოდ და მათთვის, ვინც სიგარეტს თავი დაანება.
ვაშლის თესლი შეიცავს დიდი რაოდენობით იოდს. თუ ყოველდღე 5-6 მარცვალს მირთმევთ, ორგანიზმი უზრუნველყოფილი იქნება იოდის სადღეღამისო დოზით.