დასაქორწინებლები

 გასულ კვირას რუსეთმა, ჯერ იყო და – ბელორუსიას მოუწოდა, ვიქორწინოთ, ანუ სამოკავშირეო სახელმწიფო, ბოლოს და ბოლოს, შევქმნათო და ამის შემდეგ რუმინეთი თითქმის მტრად გამოაცხადა.
რაკი პირველი, ანუ ბელორუსია თავის თავს მოუვლის, ვინაიდან ალექსანდრ ლუკაშენკო, როგორც წესი, ახერხებს ხოლმე პრ. პუტინთან ურთიერთობაში შამფურის შენახვასაც და მწვადის დაგემოვნებასაც, ჩვენ მეორეზე გავამახვილოთ ყურადღება.
რუსეთის მტრების სიაში რუმინეთმა მას შემდეგ გადაინაცვლა, რაც ამერიკის შეერთებულმა შტატებმა რუმინეთში ანტისარაკეტო თავდაცვის სისტემები განათავსა.
და თუმცა ანტისარაკეტო თავდაცვის სისტემების განთავსება რუსეთის მიერ, მართალია, საკუთარ ტერიტორიაზე, მაგრამ ევროპის სიახლოვეს რაკეტების განთავსებას უკავშირდება და, რაც მთავარია, რუმინეთი „ნატოს“ წევრია, რფ-ის საგარეო საქმეთა უწყება დარწმუნებულია, რომ რუმინეთის საქციელი, უპირველესად, რუსეთის წინააღმდეგაა მიმართული (და მერე რა, რომ თავად ბელორუსთან ერთობლივ სამხედრო სწავლებებს ატარებს?! „იუპიტერი“ ყოველთვის მართალია!).
დარწმუნებულია, ვინაიდან, რუსული ლოგიკით, რუსულ რაკეტებისთვის სამიზნეების, თუნდაც, ეს სამიზნე თვით რუმინეთი იყოს,  განადგურებაში წინააღმდეგობის გაწევა მაინც სამშობლოს ღალატის ტოლფასია. –