თუ ცხიმიანი თმა გაქვთ, ამის მიზეზი ბევრი რამ შეიძლება იყოს. თუმცა, სანერვიულო არაფერია. არსებობს ბევრი საშუალება, რაც ამ პრობლემას მოგიგვარებთ და თქვენს თმას ბზინვარებასა და სიჯანსაღეს დაუბრუნებს.
შეარჩიეთ შამპუნი ცხიმიანი თმისთვის და გამოიყენეთ ის. შამპუნის ეფექტურობის ხარისხი გაიზრდება მაშინ, თუ თმაში 5 წუთის განმავლობაში შეიზელთ და შემდეგ ჩამოიბანთ. არ გამოიყენოთ კონდეციონერები, რომელიც ზეთს შეიცავს.
თმებში ცხიმიანობის მომატება, შეიძლება, გამოწვეული იყოს თავის კანში ცხიმის ჯირკვლების გაძლიერებული მუშაობით, საჭმლის მონელების, ჰორმონული დარღვევების, არასწორი კვებისა და სხვა პრობლმების გამო.
მავნებელია ცხიმიანი თმის ძალიან ცხელი წყლით დაბანა. სითბო უფრო აძლიერებს ცხიმიანობას და ძლიერდება ცხიმის ჯირკვლების მუშაობაც.
გთავაზობთ უმარტივეს რჩევებს ცხიმიანი თმის მოსავლელად, რაც ამ პრობლემას მოგიგვარებთ:
* ლიმონის წვენით გაიწმინდეთ თავის ცხიმიანი კანი. ეს აშრობს და აცილებს ცხიმს.
* 2 სადილის კოვზ ლიმონის წვენს შეურიეთ ნახევარი ჭიქა არაყი და დღეგამოშვებით გაიწმინდეთ ცხიმიანი თმა.
* დაბანამდე 2-3 საათით ადრე, ცხიმიან თმაში შეიზილეთ ალოეს წვენი.
* დაბანამდე 1 საათით ადრე თმის ძირებში შეიზილეთ დაფნის ფოთლის ნაყენი. შეიძლება დაფნის ფოთლების სპირტიანი ნაყენის დღეგამოშვებით გამოყენებაც.
* ცხიმიანი თმისთვის კარგია კვერცხის გული. რადგან ის შეიცავს ქოლესტერინს, რომელიც ამცირებს ცხიმის გამოყოფას. კვერცხის გულში შეურიეთ თითო-თითო ჩაის კოვზი სპირტი და წყალი. პირველი ჩამობანის შემდეგ, თავის კანზე შეიზილეთ ეს სითხე და გაიჩერეთ 10 წუთით. შემდეგ ჩამოიბანეთ.
* 1-2 კვერცხის ცილა კარგად ათქვიფეთ, შეიზილეთ თავის კანზე და გაიჩერეთ გახმობამდე. შემდეგ ჩამოიბანეთ.
* 3 სადილის კოვზი მუხის ქერქი ადუღეთ 1 ლიტრ წყალში 15 წუთით. დაუმატეთ ჭინჭრის ნაყენი და დაბანის შემდეგ, გადაივლეთ თავზე, თან შეიზილეთ თმის ძირებში.